Markalaust í stórleik helgarinnar

Chelsea og Arsenal mættust í stórleik helgarinnar í enska boltanum  í dag en bæði lið spiluðu í evrópukeppnum í vikunni.

Fyrir leik var Chelsea búið að vinna þrjá leiki í röð í deildinni á meðan að Arsenal komst aftur á sigurbrautina síðustu helgi með sigri á Bournemouth.

Það voru heimamenn í Chelsea sem að byrjuðu leikinn betur fyrsta korterið en eftir það tóku Arsenal nánast öll völdin á vellinum.

Besta færi fyrri hálfleiksins kom rétt fyrir hlé en þá komst Aaron Ramsey í gegnum vörn Chelsea og skaut í stöng og boltinn endaði hjá Lacazette sem að náði einhvern veginn að koma boltanum yfir markið, dauðafæri.

Í seinni hálfleiknum var sótt á báða bóga en boltinn vildi ekki inn. Það dróg hins vegar til tíðinda á 86. mínútu en þá fékk David Luiz beint rautt spjald eftir ljóta tæklingu á Sead Kolasinac.

Niðurstaðan var 0-0 jafntefli og eftir leikinn situr Chelsea í 3.sætinu með 10 stig á meðan Arsenal er í 12. sæti með 7 stig.