Veiði

108 sm hængur úr Hnausastreng

Karl Lúðvíksson skrifar
Oddur Ingason með 108 sm laxinn úr Hnausastreng
Oddur Ingason með 108 sm laxinn úr Hnausastreng Mynd: Vatndalsá FB

Tími hausthængana er runnin upp og við erum að fá fregnir reglulega af stærðar hængum sem eru að stökkva á flugur veiðimanna.

Í gærmorgun kom 108 sm lax á land úr Hnausastreng í Vatnsdalsá og er það stærsti laxinn úr ánni í sumar og einn af þeim stærstu á landinu í sumar.  Laxinn tók Rauða Frances með kón en þessi fluga þykir einkar skæð á haustin og veiðin eftir því.  Það var Oddur Ingason sem veiddi þennan glæsilega hæng og við óskum honum til lukku með laxinn.  Laxinum var sleppt að lokinni viðureign.

Það er reglulega fróðlegt að skoða veiðibókina í Vatnsdalsá og sjá hversu mikið af vænum laxi er að veiðast.  Heildarveiðin í ánni er 546 laxar hingað til en veiðin í fyrra var 853 laxar.  Vatnsdalsá hefur 14 sinnum farið yfir 1000 laxa frá árinu 1974.  Flugurnar sem eru að gefa mest eru Friggi, Rauður Frances og Collie Dog en gárabragðið eða hitch er líka mjög gjöfult.  Hnausastrengur er sem fyrr gjöfulsti staðurinn í ánni með 272 laxa og næstur þar á eftir er Skriðuvað með 36 laxa.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira