Innlent

Konur kjörnar í öll sæti framkvæmdastjórnar UVG

Kristín Ólafsdóttir skrifar
Gyða Dröfn Hjaltadóttir var kjörin formaður og Valgerður Bláklukka Fjölnisdóttir varaformaður á landsfundi UVG í dag.
Gyða Dröfn Hjaltadóttir var kjörin formaður og Valgerður Bláklukka Fjölnisdóttir varaformaður á landsfundi UVG í dag. Ung vinstri græn

Í morgun var gengið til stjórnarkjörs á landsfundi Ungra vinstri grænna á Grundarfirði. Gyða Dröfn Hjaltadóttir var kjörin formaður og Valgerður Bláklukka Fjölnisdóttir varaformaður.  Í framkvæmdastjórn hreyfingarinnar sitja nú einungis konur.

Landsfundur Ungra vinstri grænna fór fram á Grundarfirði um helgina en fundinum lauk nú í morgun. Talsverðar breytingar urðu á stjórn og skipulagi UVG en margir nýir setjast í stjórn hreyfingarinnar, að því er segir í tilkynningu frá Vinstri grænum.

Tvær stjórnir starfa í UVG, framkvæmdastjórn sem sér um daglegan rekstur hreyfingarinnar og landstjórn sem er æðsta vald milli landsfunda.

Gyða Dröfn Hjaltadóttir var kjörin formaður UVG með öllum greiddum atkvæðum og Valgerður Bláklukka Fjölnisdóttir var kjörin varaformaður. Gyða er sálfræðingur á Heilbrigðisstofnun Austurlands á Egilsstöðum, en hún útskrifaðist með meistarapróf í klínískri sálfræði í júní. Valgerður er nemi í hjúkrunarfræði við Háskóla Íslands.

Í heild sinni eru stjórnir UVG svo skipaðar:

Formaður: Gyða Dröfn Hjaltadóttir
Varaformaður: Valgerður Bláklukka Fjölnisdóttir
Aðalritari: Dagrún Ósk Jónsdóttir
Viðburðastýra: Margrét Erla Þórsdóttir
Ritstýra: Þórdís Dröfn Andrésdóttir
Innrastarfsfulltrúi: Andrea Ósk Sigurbjörnsdóttir
Alþjóðaritari: Rakel G. Brandt

Landstjórn:
Eyrún Baldursdóttir
Isabella Rivera
Jón Axel Sellgren
Rúnar Gíslason
Salvar Andri Jóhannsson
Silja Snædal Drífudóttir
Védís Huldudóttir

Á fundinum fór fram mikil málefnavinna og fjöldi ályktana samþykktar, segir í tilkynningu. Þar má nefna ályktanir um efnahagsmál og skatta, heilbrigðiskerfið, gjaldfrelsi í skólakerfinu, háskólakerfið, LÍN, húsnæðiskerfið, flóttamannamál, lækkun kosningaaldurs, uppreist æru og margt fleira



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira