Erlent

Sameinuðu þjóðirnar: Sýrlandsstjórn bar ábyrgð á eiturefnaárásinni í Khan Sheikhun

Atli Ísleifsson skrifar
Bandaríkjastjórn og bandamenn þeirra sökuðu fljótlega efir árásina Bashar al-Assad Sýrlandsforseta og stjórn hans um að bera ábyrgð á henni.
Bandaríkjastjórn og bandamenn þeirra sökuðu fljótlega efir árásina Bashar al-Assad Sýrlandsforseta og stjórn hans um að bera ábyrgð á henni. Vísir/AFP

Sýrlandsstjórn bar ábyrgð á eiturefnaárásinni í sýrlenska bænum Khan Sheikhun í Idlib-héraði í apríl síðastliðinn. Þetta er niðurstaða rannsóknar Sameinuðu þjóðanna sem kynnt var í dag.

Að minnsta kosti 87 manns létu lífið í árásinni, þar af 31 barn, þar sem saríngasi var beitt.

„Sveitir stjórnarhersins hafa haldið áfram notkun efnavopna gegn óbreyttum borgurum á svæðum undir stjórn stjórnarandstæðinga. Í versta tilfellinu beitti sýrlenski flugherinn saríngasi í Khan Sheikhun, þar sem tugir drápust, að stærstum hluta konur og börn,“ segir í skýrslunni.

Bandaríkjastjórn og bandamenn þeirra sökuðu fljótlega eftir árásina Bashar al-Assad Sýrlandsforseta og stjórn hans um að bera ábyrgð á henni. Assad hafnaði því að Sýrlandsher bæri ábyrgð og sagði hann sýrlenska herinn hafa skilað frá sér öllum efnavopnum árið 2013 og að hann myndi aldrei beita slíkum vopnum.

Rannsakendur Sameinuðu þjóðanna segjast nú vera með óyggjandi sannanir fyrir því að sýrlenski flugherinn hafi raunverulega borið ábyrgð á árásinni sem flokkast sem stríðsglæpur.


Tengdar fréttir

Á sjötta tug fórust í efnavopnaárásinni

Talið er að saríngasi hafi verið varpað á íbúa sýrlenska bæjarins Khan Sheikhoun. Sýrlenski herinn neitar því að hafa beitt efnavopnum. Stjórnarandstaðan fer fram á tafarlausa rannsókn öryggisráðs SÞ.

Tugir létust í efnavopnaárás í Sýrlandi

Talið er að að minnsta kosti 67 manns, þar af fjöldi barna, hafi látist í efnavopnaárás á bæinn Khan Sheikhun Idlib-héraði í Norður-Sýrlandi í dag. Þá er talið að yfir 200 manns hafi særst í árásinni.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.