Veiði

Lifnar yfir Mýrarkvísl

Karl Lúðvíksson skrifar
Ein af stóru hrygnunum sem veiddust í Mýrarkvísl.
Ein af stóru hrygnunum sem veiddust í Mýrarkvísl.

Mýrarkvísl er ein af þessum ám sem getur tekið vel við sér þegar hausta tekur en í henni geta legið laxar sem ná yfirstærð eins og í öðrum norðlenskum ám.

Veiðin í Mýrarkvísl glæddist heldur betur síðustu daga þegar fór að rigna en veiðimaður sem var að ljúka veiðum í ánni í gær landaði fimm löxum þar af einni 84 cm og annari 86 cm hrygnu. Stærri laxar hafa tekið flugur veiðimanna en haft betur í þeirri baráttu eins og oft vill gerast.  Það er farið að bóla aftur á stóru urriðunum á neðri svæðum árinnar sem hafa varla sést í sumar en urriðaveiðin hefur engu að síður verið góð.

Einnig er gaman frá því að segja að það var byggð brú yfir gilið í sumar sem gerir aðgengi að góðum veiðistöðum ofarlega í gilinu mun betra en veiðistaðirnir í gilinu þykja með þeim skemmtilegri að veiða í ánni.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira