Veiði

Svona lítur 123 sm stórlax út í mynd

Karl Lúðvíksson skrifar
Í Elliðaánum er laxateljari
Í Elliðaánum er laxateljari Mynd: www.laxfiskar.is

Stórlöxum í íslenskum laxveiðiám hefur fjölgað síðustu ár og á hverju ári veiðast laxar sem fara aðeins yfir 100 sm.

Það fara þó sögur af stærri löxum sem sjást eða taka flugur veiðimanna en það hljóta þá að vera ansi vænir laxar því á þessu ári er stærsti laxinn sem hefur verið landað 109 sm og hver sentimeter eftir það er ansi fljótur að telja í vigt á stórum laxi.  Stærri laxar þekkjast þó vel og áinn Drammenselva er ein af þeim sem er þekkt fyrir rígvæna laxa.

Í ánni er laxateljari sem er búinn myndatökuvél sem tekur stutt myndbrot af löxum og öðrum fiskum sem fara í gegnum teljarann.  Í fyrradag fór sannkallaður stórlax í gegnum teljarann en fiskurinn er mældur 123 sm í teljaranum og eins og sést á myndbrotinu sem má finna hér er þetta engin smásmíði.  Lax af þessari stærð er kominn vel yfir 30 pund og líklega er hann nær 40 pundum að þyngd. Laxateljarar hafa gefið mikið af upplýsingum um göngustærðir og stærðir laxa sem ganga í árnar en laxateljara frá Vaka er að finna í mörgum íslenskum veiðiám. 
 
 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira