Veiði

Gott skot í Straumfjarðará

Karl Lúðvíksson skrifar
Flott veiði úr Straumfjarðaá
Flott veiði úr Straumfjarðaá Mynd: Gunnar Þór Gunnarsson

Straumfjarðará hefur verið frekar róleg framan af sumri en þar er helst um að kenna vatnsleysi sem hrjáði ánna í nokkrar vikur.

Þegar það rigndi hressilega á vesturlandi um síðustu helgi jókst vatnið í henni hressilega og það er við manninn mælt að veiðin tók góðann kipp.  Það hefur verið nokkuð af laxi í ánni en hann leggst djúpt í hyljina í litlu vatni en fer af stað og tökugleðin með um leið og vatnið verður gott.  Til að mynda gerði holl sem lauk veiðum 3. sept mjög góða veiði en þeir lönduðu 26 löxum og nokkuð af sjóbirting.

Þessi hópur er skipaður vönum veiðimönnum og harðduglegum sem jafnan gera góðar ferðir í Straumfjarðará. Sá sem lengst hefur stundað ánna í þessum hópi er að verða 74 ára og hefur veitt Straumfjarðará í nálægt 70 ár. Hann þurfti þetta árið að styðjast við hækju og var hækjan notuð í amk einu tilviki til að rota lax.  Heildarveiðin í Straumfjarðá er komin í 336 laxa en meðalveiðin í ánni er um 370 laxar svo ef restin af haustinu verður í lagi fer þessi skemmtilega á örugglega yfir þá tölu.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira