Alpahúfan er komin aftur fyrir haustið

22. ágúst 2017
skrifar

Margir hafa mismunandi minningar þegar þeir hugsa um gömlu góðu alpahúfuna, og er hægt að tengja hana bæði við tísku fjórða áratugarins, pólítískar hreyfingar eða franska konu í röndóttum bol í París. 

Alpahúfan hefur að sjálfsögðu verið lengi til staðar í búðum og mjög oft til í mismunandi útfærslum, en orðið mun meira áberandi síðustu mánuði. 

Alpahúfan er nefnilega komin sterk inn fyrir haustið, og er það Maria Grazia Chiuri, yfirhönnuður Christian Dior sem kom henni á kortið. Maria sendi nánast hverja einustu fyrirsætu niður tískupallinn með leður-alpahúfu fyrir haust-og vetrarlínuna 2017/2018. Síðan þá hafa stjörnur eins og Rihanna og fyrirsætan Bella Hadid sést með húfuna og verður þessi húfa mjög áberandi í vetur.

Hvort sem það er í leðri eða úr öðru efni, finnum okkur alpahúfu fyrir haustið.


Leikkonan Greta Garbo árið 1932, fyrir myndina As You Desire Me. Með velúr-alpahúfu. 


The Black Panther var pólítísk hreyfing sem barðist fyrir réttindum svartra í Ameríku, í kringum 1960-1970. Þeir báru svartar alpahúfur. 



Christian Dior


Christian Dior


Fyrirsætan Bella Hadid


Á tískupöllum Jacquemus fyrir haust/vetur 2017/2018.


Rihanna með leður-alpahúfu frá Christian Dior.