Fótbolti

Barcelona kærir Neymar

Ingvi Þór Sæmundsson skrifar
Neymar er ekki vinsælasti maðurinn hjá hæstráðendum Barcelona.
Neymar er ekki vinsælasti maðurinn hjá hæstráðendum Barcelona. vísir/getty
Barcelona hefur kært Neymar fyrir samningsbrot.

Fyrr í þessum mánuði gerði Paris Saint-Germain Neymar að dýrasta fótboltamanni sögunnar þegar franska félagið borgaði Barcelona 200 milljónir punda fyrir þennan 25 ára gamla Brasilíumann.

Neymar kom til Barcelona frá Santos 2013. Hann skrifaði undir nýjan fimm ára samning við Barcelona í október í fyrra og fékk fyrir það veglegan bónus.

Börsungar vilja nú fá 7,8 milljónir punda í skaðabætur með 10% vöxtum vegna þess sem þeir telja brot á samningi.

Neymar, sem hefur farið frábærlega af stað með PSG, fór hörðum orðum um stjórnarmenn Barcelona á dögunum og sagði að félagið og borgin ættu betra skilið.


Tengdar fréttir




Fleiri fréttir

Sjá meira


×