Veiði

Það sem er líklegt til árangurs í litlu vatni

Karl Lúðvíksson skrifar
Laxinn leggst niður í djúpa hylji þegar árnar verða vatnslitlar.
Laxinn leggst niður í djúpa hylji þegar árnar verða vatnslitlar.

Vatnsleysi herjar nú á laxveiðiárnar á vestur og norðvesturlandi með tökuleysi og áskorunum í að fá laxinn til að taka.

Það er þó hægt að beita nokkrum ráðum til að gera sem best úr þessum aðstæðum og auka líkurnar á að setja í lax.  Þegar sólin skín bjart yfir daginn verður laxinn mjög styggur og leggst gjarnan í djúpa hylji, indur skuggann við steina og eins leitar hann oftar en ekki í hraðara vatn þegar árnar verða vatnslitlar.  Það skiptir því sköpum að lesa vatnið og veiða veiðistaðina oft ofar en vani er þar sem rennsli er meira en á hefðbundnum tökustað en þetta er auðvitað mismunandi eftir veiðistöðum.  Við viljum gefa ykkur þrjú góð ráð til að auka líkurnar á að setja í lax í næstu veiðiferð.

1. Lengdu tauminn.  Notaðu granna tauma, 10-12 punda er alveg feykinóg í flestum ám og lengdu tauminn. Það hefur verið þumalputtaregla að hafa tauminn um stangarlengd en í litlu vatni á björtum degi er oft gott að lengja hann um hálfa stangarlengd til viðbótar.

2. Um fluguval er það helst að nota annað hvort litlar flugur eða litlar túpur t.d. 1/4" kóna á löngum taum til að koma flugunni aðeins niður í vatnið.  Ekki hefur það reynst gjöfult að "hitcha" en stutt hratt stripp virkar oft vel.  

3. Veiddu andstreymis.  Já þetta nefnilega virkar í laxi.  Þeir sem eru vanir að veiða silung eiga að skipta um gír og nota silungaflugur, helst þyngdar og veiða eins og þegar kastað er andstreymis fyrir silung í straumvatni.  Lengd taumsins ræðst af dýpt veiðistaðir.  Djúpur staður = langur taumur.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira