Enski boltinn

Clucas kominn til Swansea

Ástrós Ýr Eggertsdóttir skrifar
Sam Clucas er kominn til Swansea
Sam Clucas er kominn til Swansea mynd/swansea
Swansea hefur staðfest kaup á miðjumanninum Sam Clucas frá Hull City. Þetta staðfesti félagið á Twitter-síðu sinni í dag.

Clucas skrifaði undir samning við velska liðið til fjögurra ára. Kaupverðið hefur ekki enn verið gefið út, en breskir fjölmiðlar hafa greint frá því að verðið sé í kringum 15-16,5 milljónir punda.

Clucas á að baki 84 deildarleiki fyrir Hull City og skoraði hann í þeim 9 mörk.

Swansea hefur ekki byrjað tímabilið vel og er með 1 stig eftir tvo leiki í ensku úrvalsdeildinni og markatöluna 0-4.






Tengdar fréttir

Clement: Getum endað með betra lið án Gylfa

Paul Clement, knattspyrnustjóri Swansea City, segir að þrátt fyrir brotthvarf Gylfa Þórs Sigurðarsonar geti Svanirnir endað á því að vera með betra lið án hans.




Fleiri fréttir

Sjá meira


×