Lífið

Sara Heimis greinir frá andláti Rich Piana

Stefán Árni Pálsson skrifar
Sara Heimis og Rich Piana voru gift í um eitt ár.
Sara Heimis og Rich Piana voru gift í um eitt ár. Vísir/getty
Vaxtarræktarkappinn og fyrrverandi tengdasonur Íslands Rich Piana er látinn en honum hefur verið haldið sofandi í öndunarvél síðustu daga.

Frá þessu greinir eiginkona hans, Sara Heimis, á Facebook-síðu sinni nú í hádeginu. Í færslu sinni segist hún gjörsamlega miður sín og hún trúi fregnunum vart ennþá.

Þau hafi gengið saman í gegnum súrt og sætt en að þau hafi notið samverunnar. „Þú komst við hjartað í svo ótalmörgum og hjálpaðir fjölda fólks. Það veitti mér innblástur að sjá hvað þú hafðir áhrif á marga um allan heim,“ skrifar Sara.

Hún bætir við að margir viti það kannski ekki en að þau Rich Piana voru ennþá gift. Hún vonar að honum „líði betur á himnum“

„Hvíldu í friði, elskulegi eiginmaður minn.“

 

Dægurmálarisinn TMZ greindi frá því á dögunum að sjúkraflutningamenn hafi þurft að bregðast við tilkynningu frá heimili kappans þann 7. ágúst. 

Talið er að útkallið með rekja til of stórs lyfjaskammts. Þegar viðbragðsaðilar mættu á svæðið var Piana meðvitundarlaus og var hann fluttur í snatri á sjúkrahús þar sem honum var haldið sofandi í öndunarvél. Nú greina vinir hans frá því á samfélagsmiðlum að Piana sé látinn og votta þeir honum virðingu sína. 

Piana naut töluverðar hylli á samfélagsmiðlum og fylgjast rúmlega milljón manns með ævintýrum hans á Instagram.

Þetta er ekki í fyrsta sinn sem heilsufar Rich Piana ratar í fréttinar. Þannig greindi Vísir frá því í desember í fyrra að hann hafi fengið húðkrabbamein. Hann hafði látið fjarlægja nokkra fæðingarbletti og við þá skoðun kom í ljós að Piana hafi verið með krabbamein.

Rich Piana var giftur vaxtarrætarkonunni Söru Heimisdóttur. Þau gengu í það heilaga í september 2015 en þau hættu samansumarið 2016.

Vaxtaræktarheimurinn syrgir Piana í dag og er Twitter og Instagram að fyllast af kveðjum til hans eins og sjá má hér að neðan.

REST IN PEACE

A post shared by Youtube | Bradley Martyn (@bradleymartyn) on


Tengdar fréttir

Rich Piana með húðkrabbamein

Vaxtaræktarkappinn Rich Piana, fyrrverandi tengdasonur Íslands, er með húðkrabbamein en þetta kemur fram í nýjasta myndbandi kappans á YouTube.






Fleiri fréttir

Sjá meira


×