Formúla 1

Raikkonen og Hamilton fljótastir á æfingum í Belgíu

Kristinn Ásgeir Gylfason skrifar
Kimi Raikkonen á ferðinni á Spa brautinni í dag.
Kimi Raikkonen á ferðinni á Spa brautinni í dag. Vísir/Getty
Kimi Raikkonen á Ferrari var fljótastur á fyrri æfingu dagsins fyrir belgíska kappaksturinn í Formúlu 1 sem fram fer um helgina á Spa brautinni. Lewis Hamilton á Mercedes var fljótastur á seinni æfingunni.

Fyrri æfingin

Felipe Massa fór vítt í beygju sjö á brautinni og Williams bíllinn hafnaði á dekkjavegg þegar skammt var liðið á æfinguna. Valtteri Bottas á Mercedss gerðist sekur um mistök þegar hann var að víkja fyrir McLaren bíl og færði sig ögn of vel úr vegi. Hann fór útaf og lenti létt á varnarvegg.

Raikkonen var fljótastur, Hamilton ananr og Sebastian Vettel á Ferrari þriðji. Þar, nokkuð á eftir komu svo Red Bull ökumennirnir Max Verstappen og Daniel Ricciardo. Valtteri Bottas varð svo sjötti og sá síðasti sem var inna við sekúndu á eftir Raikkonen.

Fernando Alonso lét úrhellið ekki stoppa sig í dag.Vísir/Getty
Seinni æfingin.

Mercedes, Ferrari og Red Bull voru í sérflokki í dag. Því á seinni æfingunni voru sömu sex ökumenn einnig efstir þó munurinn á milli væri ögn meiri.

Hamilton var fljótastur á undan Raikkonen og Bottas. Þar á eftir var Verstappen og svo Vettel. Þeir voru innan við hálfri sekúndu á eftir Hamilton. Ricciardo á Red Bull var sjötti, þó 1,3 sekúndum á eftir Hamilton.

Massa tók ekki þátt í æfingunni vegna þess að skipta þurfti um grind í bílnum hans eftir áreksturinn við varnarvegginn snemma á fyrri æfingunni.

Mikil rigning undir lok æfingarinnar setti strik í reikninginn og stytti æfingatíma ökumanna talsvert.

Bein útsending frá tímatökunni hefst klukkan 11:50 á Stöð 2 Sport 2 á morgun. Bein útsending frá keppninni hefst klukkan 11:30 á sunnudag, auðvitað á Stöð 2 Sport 2.

Hér að neðan má sjá öll helstu úrslit helgarinnar á gangvirku brautarkorti.


Tengdar fréttir

Valtteri Bottas í toppformi hjá Mercedes

Valtteri Bottas segist vera kominn í toppform aftur eftir vistaskiptin til Mercedes í upphafi árs. Hann segist vera búinn að koma sér fyrir hjá Mercedes eftir að hann kom frá Williams.

Kimi Raikkonen áfram hjá Ferrari 2018

Ferrari liðið í Formúlu 1 hefur staðfest í tilkynningu að finnski ökumaðurinn Kimi Raikkonen verði áfram hjá liðinu á næsta tímabili.

Sonur Michael Schumacher keyrir gamla bíl pabba síns

Táningssonur Michaels Schumacher verður sviðsljósinu um helgina þegar formúlan fer fram í Belgíu. Ástæðan er að hann mun þá hjálpa til að minnast 25 ára afmælis fyrsta sigurs föður síns með sérstökum hætti.




Fleiri fréttir

Sjá meira


×