Leikjavísir

Tuddinn í beinni: 300 manns keppa í sex tölvuleikjum

Samúel Karl Ólason skrifar
Frá Tuddanum í fyrra.
Frá Tuddanum í fyrra.

Tuddinn, stærsta tölvuleikjamót ársins, fer fram í Háskólanum í Reykjavík um helgina. Tæplega 300 keppendur eru skráðir til leiks og verður keppt í sex leikjum yfir þrjá daga. Mótið er haldið á vegum nemendafélagsins Tvíund og tölvuleikjafélagsins Tuddinn. Verðmæti verðlauna er rúmar 700 þúsund krónur.

Mikil áhersla er lögð á áhorfendasvæði í húsnæðinu þar sem fólk getur fylgst með á stórum skjá. Einnig verður hægt að horfa á mótið á Twitch og hér á Vísi.

„Rafrænar íþróttir (eSports) hafa verið í miklum vexti um allan heim en eSports er samheiti yfir viðburði þar sem keppt er í ýmsum tölvuleikjum. Stærstu mótin sem haldin eru draga til sín þúsundir gesta víðsvegar um heim og fylgjast milljónir manna með stærstu viðburðum í gegnum streymisveitur á netinu. Vinsælustu leikirnir á Íslandi eru meðal annars Counter-Strike, League of Legends og Overwatch en keppt verður í þeim öllum um helgina.“ Þetta kemur fram í tilkynningu frá forsvarsmönnum mótsins.

Uppfært: Einhverjar tafir hafa orðið á keppninni og hefur útsending ekki farið af stað. Verið er að reyna að koma henni í gang, en til stendur að streyma frá keppni í League of Legends í kvöld. 
Dagskráum helgina er eftirfarandi:
Föstudagur: Húsið opnar 16.00 - riðlakeppni hefst í öllum leikjum 19.00
Laugardagur: Útsláttarkeppni hefst í öllum leikjum. 2v2 FIFA mót í M.101 og Mountain Dew Keppni.
Sunnudagur: Úrslitaleikir hefjast.

Watch live video from gegttv on www.twitch.tv


Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira