„Glimmerskarð er alveg glimrandi nafn í mínum huga“ Jakob Bjarnar skrifar 11. ágúst 2017 12:43 Þverpólitísk samstaða er um það í Hafnarfirði að vera standandi bit á fyrirbæri sem heitir örnefnanefnd. Örnefnanefnd hefur gert Hafnfirðingum það heyrinkunnugt að nafnið Glimmerskarð, sem ætlað er á götu í nýju hverfi í Hafnarfirði, sé bara alls ekki nógu gott. RUV greindi frá þessu í gær og ekki stendur á viðbrögðum; Hafnfirðingar vita ekki hvaðan á sig stendur veðrið. Þeir eru gáttaðir. „Satt að segja vissi ég ekki hvort ætti að taka þetta erindi alvarlega eða ekki,“ segir Rósa Guðbjartsdóttir oddviti Sjálfstæðismanna í Hafnarfirði undrandi á Facebooksíðu sinni. „Svo gæti maður líka spurt sig hvort ríkið sé kannski of bólgið og viðfangsefnin skorti sums staðar?“Þverpólitísk samstaða um að furða sig á örnefnanefnd Hinir pólitísku andstæðingar í Hafnarfirði, Rósa og svo Gunnar Axel Axelsson bæjarfulltrúi Samfylkingar, eru oftar en ekki á öndverðum meiði en ekki í þessu máli. „Ég verð að viðurkenna að ég vissi ekki að það væri fólk á launum hjá okkur skattborgurum við það að hafa skoðanir á götunöfnum en annað kom í ljós á fundi bæjarráðs í morgun. Hin æruverðuga örnefnanefnd fílar ekki Glimmerskarð og biður um að götunni verði fundið annað og virðulegra nafn.“ Gunnar Axel segir að ekki sé öll vitleysan eins, smekkur fólks á götunöfnum sé augljóslega misjafn en hann setur spurningarmerki við hvort það eigi að vera einhver nefnd sem sker úr um slíkt. „Eiginlega það sem ég staldra helst við í þessu. Borið saman við það sem maður sér í öðrum löndum held ég reyndar að íslensk götunöfn séu heilt yfir fremur einsleit og jafnvel leiðinleg ef út í það er farið.“ Og Guðlaug Kristjánsdóttir (BF) forseti bæjarstjórnar lætur ekki sitt eftir liggja: „Ekki vissi ég að mannanafnanefnd ætti þessa líka hressu systur. Örnefnanefnd. Sem fílar ekki orðið glimmer. Hér er kannski komin skýringin á því að gatan Íbúfen er ekki í fenjunum...“ og helst á henni að skilja að hún viti ekki hvort hún eigi að hlæja eða gráta.Vald örnefndanefndar yfir vafa hafiðÚrskurðarvald nefndarinnar virðist yfir vafa hafið en í lögum um nefndina segir meðal annars: „Hafni örnefnanefnd tillögu að nafngift ber henni að senda aðila máls rökstuðning og eftir atvikum tillögu að mögulegri málamiðlun. Aðili máls skal innan átta vikna bregðast við ákvörðun örnefnanefndar en að öðrum kosti úrskurðar nefndin um nýtt nafn. Örnefnanefnd er heimilt að leita álits sérfræðinga utan nefndarinnar ef þurfa þykir. Úrlausnir örnefnanefndar samkvæmt lögum þessum eru endanlegar á stjórnsýslustigi og ekki kæranlegar til ráðherra.“Ekki um beina tilskipun að ræðaRósa bendir á að í bréfi nefndarinnar sé ekki um beina tilskipun að ræða heldur fyrirspurn eða tilmælum til bæjarins. „Engin hefð er fyrir slíku heiti meðal íslenskra örnefna. Hugtakið glimmer er þekkt í jarðfræði þótt það sé ekki eitt af kunnari hugtökum hugtökum þeirrar fræðigreinar þegar kemur að íslenskri jarðfræði. Önnur heiti gagna í skipulaginu virðast einnig bera þekkta orðliði úr íslensku jarðfræðimáli, t.d. apall, hraun, tinna o.fl. Aðrir orðliðir virðast sóttir í íslenskt landslag þótt þar sé ekki endilega um hugtök í jarðfræði að ræða, t.d. drangur, vík, bjarg og hádegi (Hádegisskarð er reyndar til sem örnefni á þessum slóðum). Telur bærinn koma til greina að velja annað nafn á götuna en Glimmerskarð, t.d. nafn sem samræmist betur íslenskum nafngiftarhefðum og vísar til þekktari fyrirbæris í íslenskri jarðfræði eða úr íslensku landslagi?“ En, hvert verður framhald málsins? Rósa segir von að spurt sé. „Ég er mjög undrandi á þessum viðbrögðum, glimmer er steintegund og Glimmerskarð er alveg glimrandi nafn í mínum huga. Mér finnst í raun magnað að til sé nefnd á vegum ríkisins sem sé að hafa afskipti af götuheitum með þessum hætti, og spurning hvort tíma og fjármunum sé vel varið? „Ég legg mikla áherslu á að Hafnarfjörður og þá önnur sveitarfélög hafi frelsi í þessum efnum.“Stafrófið á reyki í Hafnarfirði En, spurt er um aðrar ábendingar í bréfinu svo sem með að götuheiti líkist hvert öðru og það geti snúið að öryggissjónarmiðum þá varðandi það að ekkert fari á milli mála þegar kalla þarf til sjúkrabíla, til dæmis. Og svo það að götunöfnum er ekki raðað í stafrófsröð miðað við staðsetningu. Fer stafrófið eitthvað á milli mála í Hafnarfirðinum? „Aðrar ábendingar í bréfinu verða að sjálfsögðu skoðaðar, þar sem sett er út á að tiltekin götuheiti séu of lík,“ segir Rósa sem bendir á að að í dag séu allt önnur tæki og tækni notuð til að rata á milli gatna en stafrófsröð. „En, þetta þarf að skoðast,“ segir Rósa og dæsir. Mest lesið Myndband sýnir þjófana í Hamraborg hafa lítið fyrir hlutunum Innlent Stjórnarmaður í RÚV segir opinber hlutafélög fé án hirðis Innlent Þórkatla kom í veg fyrir áætlun fjölskyldunnar: „Þetta tekur allt saman svo fjandi langan tíma“ Innlent Bandaríkin stöðvuðu fulla aðild Palestínumanna að SÞ Erlent Kennedy-fjölskyldan lýsir yfir stuðningi við Biden Erlent Katrín á toppnum um allt land Innlent Hrunið í gömlu kauphöllinni heldur áfram Erlent Ísraelar gera árás á Íran Erlent Afsalta sjó til drykkjar í þurrki í Barcelona Erlent Kíghósti hefur náð útbreiðslu á höfuðborgarsvæðinu Innlent Fleiri fréttir Stjórnarmaður í RÚV segir opinber hlutafélög fé án hirðis Þórkatla kom í veg fyrir áætlun fjölskyldunnar: „Þetta tekur allt saman svo fjandi langan tíma“ Landris stöðugt og hraunbreiðan sex ferkílómetrar Katrín á toppnum um allt land Opna miðstöð fyrir palestínsk börn Íslenska landslagið ómetanlegt fyrir manninn með loftnet í höfuðkúpunni Myndband sýnir þjófana í Hamraborg hafa lítið fyrir hlutunum Greiðir 2000 krónur á dag í vexti á meðan beðið er eftir Þórkötlu Myndskeið úr Hamraborg og maður sem heyrir liti með loftneti Kíghósti hefur náð útbreiðslu á höfuðborgarsvæðinu Myndband af þjófunum í Hamraborg í fréttum Stöðvar 2 Bein útsending: Hvernig er best að reka heilbrigðisþjónustu? Helga gert að rannsaka slysasleppingarnar Kjarnorkuknúinn kafbátur í stuttri heimsókn Halda andlitinu í skólanum en hrynja niður heima „Sérlega sérstakur“ hellir í Mývatnssveit áfram lokaður Læknir langþreyttur á skriffinnsku: „Mér líður oft eins og Indriða í Fóstbræðrum“ Rúmlega sjö hundruð Grindvíkingar vilja selja Forsetaframbjóðendur í Pallborðinu klukkan 13 á morgun Fylgi forsetaframbjóðenda, mótmæli Grindvíkinga og einhverfa barna Liður í uppbyggingunni að fólk geti sest niður og unnið úr áfallinu Cyrus og Herkúles fá já en Bergman bannaður Dæmdur fyrir árásina í Úlfarsárdal Katrín leiðir og hefur tölfræðilega marktækt forskot á Baldur „Ef stelpur byrja ungar á blæðingum er það fyrsta flaggið“ Tvö flutt á slysadeild eftir bílveltu Jón Jónsson kemur nýr inn í stjórn Boða til fundar til að ræða framtíð MÍR eftir dómsmál Fjölgun ofbeldisbrota gegn lögreglu og öðrum opinberum starfsmönnum Ritskoðun bjóra: „Þetta er gert fyrir börnin“ Sjá meira
Örnefnanefnd hefur gert Hafnfirðingum það heyrinkunnugt að nafnið Glimmerskarð, sem ætlað er á götu í nýju hverfi í Hafnarfirði, sé bara alls ekki nógu gott. RUV greindi frá þessu í gær og ekki stendur á viðbrögðum; Hafnfirðingar vita ekki hvaðan á sig stendur veðrið. Þeir eru gáttaðir. „Satt að segja vissi ég ekki hvort ætti að taka þetta erindi alvarlega eða ekki,“ segir Rósa Guðbjartsdóttir oddviti Sjálfstæðismanna í Hafnarfirði undrandi á Facebooksíðu sinni. „Svo gæti maður líka spurt sig hvort ríkið sé kannski of bólgið og viðfangsefnin skorti sums staðar?“Þverpólitísk samstaða um að furða sig á örnefnanefnd Hinir pólitísku andstæðingar í Hafnarfirði, Rósa og svo Gunnar Axel Axelsson bæjarfulltrúi Samfylkingar, eru oftar en ekki á öndverðum meiði en ekki í þessu máli. „Ég verð að viðurkenna að ég vissi ekki að það væri fólk á launum hjá okkur skattborgurum við það að hafa skoðanir á götunöfnum en annað kom í ljós á fundi bæjarráðs í morgun. Hin æruverðuga örnefnanefnd fílar ekki Glimmerskarð og biður um að götunni verði fundið annað og virðulegra nafn.“ Gunnar Axel segir að ekki sé öll vitleysan eins, smekkur fólks á götunöfnum sé augljóslega misjafn en hann setur spurningarmerki við hvort það eigi að vera einhver nefnd sem sker úr um slíkt. „Eiginlega það sem ég staldra helst við í þessu. Borið saman við það sem maður sér í öðrum löndum held ég reyndar að íslensk götunöfn séu heilt yfir fremur einsleit og jafnvel leiðinleg ef út í það er farið.“ Og Guðlaug Kristjánsdóttir (BF) forseti bæjarstjórnar lætur ekki sitt eftir liggja: „Ekki vissi ég að mannanafnanefnd ætti þessa líka hressu systur. Örnefnanefnd. Sem fílar ekki orðið glimmer. Hér er kannski komin skýringin á því að gatan Íbúfen er ekki í fenjunum...“ og helst á henni að skilja að hún viti ekki hvort hún eigi að hlæja eða gráta.Vald örnefndanefndar yfir vafa hafiðÚrskurðarvald nefndarinnar virðist yfir vafa hafið en í lögum um nefndina segir meðal annars: „Hafni örnefnanefnd tillögu að nafngift ber henni að senda aðila máls rökstuðning og eftir atvikum tillögu að mögulegri málamiðlun. Aðili máls skal innan átta vikna bregðast við ákvörðun örnefnanefndar en að öðrum kosti úrskurðar nefndin um nýtt nafn. Örnefnanefnd er heimilt að leita álits sérfræðinga utan nefndarinnar ef þurfa þykir. Úrlausnir örnefnanefndar samkvæmt lögum þessum eru endanlegar á stjórnsýslustigi og ekki kæranlegar til ráðherra.“Ekki um beina tilskipun að ræðaRósa bendir á að í bréfi nefndarinnar sé ekki um beina tilskipun að ræða heldur fyrirspurn eða tilmælum til bæjarins. „Engin hefð er fyrir slíku heiti meðal íslenskra örnefna. Hugtakið glimmer er þekkt í jarðfræði þótt það sé ekki eitt af kunnari hugtökum hugtökum þeirrar fræðigreinar þegar kemur að íslenskri jarðfræði. Önnur heiti gagna í skipulaginu virðast einnig bera þekkta orðliði úr íslensku jarðfræðimáli, t.d. apall, hraun, tinna o.fl. Aðrir orðliðir virðast sóttir í íslenskt landslag þótt þar sé ekki endilega um hugtök í jarðfræði að ræða, t.d. drangur, vík, bjarg og hádegi (Hádegisskarð er reyndar til sem örnefni á þessum slóðum). Telur bærinn koma til greina að velja annað nafn á götuna en Glimmerskarð, t.d. nafn sem samræmist betur íslenskum nafngiftarhefðum og vísar til þekktari fyrirbæris í íslenskri jarðfræði eða úr íslensku landslagi?“ En, hvert verður framhald málsins? Rósa segir von að spurt sé. „Ég er mjög undrandi á þessum viðbrögðum, glimmer er steintegund og Glimmerskarð er alveg glimrandi nafn í mínum huga. Mér finnst í raun magnað að til sé nefnd á vegum ríkisins sem sé að hafa afskipti af götuheitum með þessum hætti, og spurning hvort tíma og fjármunum sé vel varið? „Ég legg mikla áherslu á að Hafnarfjörður og þá önnur sveitarfélög hafi frelsi í þessum efnum.“Stafrófið á reyki í Hafnarfirði En, spurt er um aðrar ábendingar í bréfinu svo sem með að götuheiti líkist hvert öðru og það geti snúið að öryggissjónarmiðum þá varðandi það að ekkert fari á milli mála þegar kalla þarf til sjúkrabíla, til dæmis. Og svo það að götunöfnum er ekki raðað í stafrófsröð miðað við staðsetningu. Fer stafrófið eitthvað á milli mála í Hafnarfirðinum? „Aðrar ábendingar í bréfinu verða að sjálfsögðu skoðaðar, þar sem sett er út á að tiltekin götuheiti séu of lík,“ segir Rósa sem bendir á að að í dag séu allt önnur tæki og tækni notuð til að rata á milli gatna en stafrófsröð. „En, þetta þarf að skoðast,“ segir Rósa og dæsir.
Mest lesið Myndband sýnir þjófana í Hamraborg hafa lítið fyrir hlutunum Innlent Stjórnarmaður í RÚV segir opinber hlutafélög fé án hirðis Innlent Þórkatla kom í veg fyrir áætlun fjölskyldunnar: „Þetta tekur allt saman svo fjandi langan tíma“ Innlent Bandaríkin stöðvuðu fulla aðild Palestínumanna að SÞ Erlent Kennedy-fjölskyldan lýsir yfir stuðningi við Biden Erlent Katrín á toppnum um allt land Innlent Hrunið í gömlu kauphöllinni heldur áfram Erlent Ísraelar gera árás á Íran Erlent Afsalta sjó til drykkjar í þurrki í Barcelona Erlent Kíghósti hefur náð útbreiðslu á höfuðborgarsvæðinu Innlent Fleiri fréttir Stjórnarmaður í RÚV segir opinber hlutafélög fé án hirðis Þórkatla kom í veg fyrir áætlun fjölskyldunnar: „Þetta tekur allt saman svo fjandi langan tíma“ Landris stöðugt og hraunbreiðan sex ferkílómetrar Katrín á toppnum um allt land Opna miðstöð fyrir palestínsk börn Íslenska landslagið ómetanlegt fyrir manninn með loftnet í höfuðkúpunni Myndband sýnir þjófana í Hamraborg hafa lítið fyrir hlutunum Greiðir 2000 krónur á dag í vexti á meðan beðið er eftir Þórkötlu Myndskeið úr Hamraborg og maður sem heyrir liti með loftneti Kíghósti hefur náð útbreiðslu á höfuðborgarsvæðinu Myndband af þjófunum í Hamraborg í fréttum Stöðvar 2 Bein útsending: Hvernig er best að reka heilbrigðisþjónustu? Helga gert að rannsaka slysasleppingarnar Kjarnorkuknúinn kafbátur í stuttri heimsókn Halda andlitinu í skólanum en hrynja niður heima „Sérlega sérstakur“ hellir í Mývatnssveit áfram lokaður Læknir langþreyttur á skriffinnsku: „Mér líður oft eins og Indriða í Fóstbræðrum“ Rúmlega sjö hundruð Grindvíkingar vilja selja Forsetaframbjóðendur í Pallborðinu klukkan 13 á morgun Fylgi forsetaframbjóðenda, mótmæli Grindvíkinga og einhverfa barna Liður í uppbyggingunni að fólk geti sest niður og unnið úr áfallinu Cyrus og Herkúles fá já en Bergman bannaður Dæmdur fyrir árásina í Úlfarsárdal Katrín leiðir og hefur tölfræðilega marktækt forskot á Baldur „Ef stelpur byrja ungar á blæðingum er það fyrsta flaggið“ Tvö flutt á slysadeild eftir bílveltu Jón Jónsson kemur nýr inn í stjórn Boða til fundar til að ræða framtíð MÍR eftir dómsmál Fjölgun ofbeldisbrota gegn lögreglu og öðrum opinberum starfsmönnum Ritskoðun bjóra: „Þetta er gert fyrir börnin“ Sjá meira
Þórkatla kom í veg fyrir áætlun fjölskyldunnar: „Þetta tekur allt saman svo fjandi langan tíma“ Innlent
Þórkatla kom í veg fyrir áætlun fjölskyldunnar: „Þetta tekur allt saman svo fjandi langan tíma“ Innlent