Fótbolti

Rúnar fékk fjögur á sig í fyrsta tapinu

Rúnar Alex í leik með Nordsjælland.
Rúnar Alex í leik með Nordsjælland. vísir/getty

Rúnar Alex Rúnarsson og félagar í Nordsjælland þurftu að sætta sig við 3-4 tap gegn Midtjylland í dönsku deildinni í dag eftir að hafa lent 0-4 undir snemma í síðari hálfleik.

Heimamenn í Midtjylland byrjuðu leikinn af krafti og komust 3-0 yfir undir lok fyrri hálfleiks en Paul Onuachu bætti við marki fyrir Midtjylland á 53. mínútu með öðru marki sínu og virtist hafa endanlega innsiglað sigurinn.

Gestirnir voru ekki á þeim buxunum að gefast upp og minnkuðu muninn í þrígang en þriðja mark gestanna kom á 95. mínútu, stuttu áður en leikurinn var flautaður af.

Var þetta fyrsta tap Rúnars og félaga á þessu tímabili eftir fjóra sigurleiki í röð en honum hefur ekki tekist að halda hreinu á þessu tímabili í fimm leikjum.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira