Innlent

Hörð viðbrögð fyrst og fremst vegna fóstureyðinga

María Elísabet Pallé skrifar

Kári Stefánsson, forstjóri Íslenskrar erfðagreiningar, segir hörð viðbrögð íhaldssamra Bandaríkjamanna ekki koma sér á óvart. Viðbrögðin snúist ekki um fóstureyðingar vegna litningagalla, heldur frekar andstöðu við fóstureyðingar almennt.

Kári segir þá staðreynd að flestar konur ákveði að fara í fóstureyðingu vegna litningagalla í fóstri vera að miklu leyti vegna þeirra upplýsinga og þjónustu sem þær hafa aðgang að.

„Viðbrögðin sem komu frá íhaldssömu hlið bandarískra stjórnvalda eru einfaldlega viðbrögð við fóstureyðingu og í sjálfum sér hafa ekkert með Downs heilkenni að gera,“

Kári telur ekki ólíklegt að þessi sama þróun muni eiga sér stað hjá öðrum þjóðum í framtíðinni.Segir hann þá greiningatækni sem notuð sé á Íslandi ekki betri en annars staðar heldur sé hún einfaldlega öllum aðgengileg.

„Ef við föllumst á að fóstureyðingar séu réttlætanlegar þá erfitt að finna eitthvað að því að koma sem kemst að því að hún gengur með barn sem er með Downs heilkenni vilji láta eyða því fóstri. Er það ákvörðun sem vex í þeim sjálfum eða á það rætur í ráðgjöf sem þau fá í heilbrigðiskerfinu.“

Kári segir að ef allar ákvarðanir um fóstureyðingar vegna litningagalla eigi rætur til ráðgjafar sem konur fá á Landspítalanum, þurfi að endurskoða þá ráðgjöf að einhverju leyti.

„Það virðist svo að við sem samfélag höfum komist að þeirri niðurstöðu að það sé allt í lagi og kannski rétt og æskilegt að eyða fóstrum með litningagalla, hvort að það er rétt eða ekki veit ég ekki, “



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.