Fótbolti

Juventus byrjaði á sigri

Ástrós Ýr Eggertsdóttir skrifar
Gianluigi Buffon varði vítaspyrnu í dag.
Gianluigi Buffon varði vítaspyrnu í dag. Vísir/Getty
Ítölsku meistararnir í Juventus byrja tímabilið af krafti í ítölsku úrvalsdeildinni með 3-0 sigur á Cagliari.

Leikurinn var opnunarleikur Seríu A og fór fram á Allianz vellinum í Turin, heimavelli Juventus.

Króatinn Mario Mandzukic skoraði fyrsta markið strax á 12. mínútu leiksins með viðstöðulausu skoti eftir fyrirgjöf Stephan Lichtsteiner.

Cagliari fengu upplagt tækifæri til að jafna þegar þeir fá vítaspyrnu en Gianluigi Buffon varði frá Diego Farias. Í staðinn skoraði Paulo Dybala annað mark fyrir Juventus í uppbótartíma fyrri hálfleiks.

Gonzalo Higuain innsiglaði svo sigur Juventus á 66. mínútu.




Fleiri fréttir

Sjá meira


×