Körfubolti

Magnús Þór leggur skóna á hilluna

Ingvi Þór Sæmundsson skrifar
Magnús Þór í leik með Keflavík.
Magnús Þór í leik með Keflavík. vísir/vilhelm
Körfuboltamaðurinn Magnús Þór Gunnarsson hefur lagt skóna á hilluna eftir langan og farsælan feril. Frá þessu er greint á Karfan.is.

Magnús lék lengst af með Keflavík og varð fimm sinnum Íslandsmeistari og þrisvar sinnum bikarmeistari með liðinu. Keflavík vann m.a. þrjá Íslandsmeistaratitla í röð á árunum 2003-05.

Magnús lék einnig með Njarðvík, Grindavík, Skallagrími og Aabyhöj í Danmörku á ferlinum.

Þessi mikla skytta lék á sínum tíma 76 leiki fyrir íslenska landsliðið.

Magnús fagnar einum af fimm Íslandsmeistaratitlum sínum.



Fleiri fréttir

Sjá meira


×