Erlent

„Hafnarstjórinn“ aflífaður í Noregi

Atli Ísleifsson skrifar
Svanurinn hafði fengið viðurnefnið "Hafnarstjórinn“ af bæjarbúum í Os.
Svanurinn hafði fengið viðurnefnið "Hafnarstjórinn“ af bæjarbúum í Os. Vísir/Getty

Mannýgur svanur hefur verið aflífaður í norska bænum Os eftir hafa ítrekað ráðist á fólk, reynt að draga börn undir yfirborð sjávar og almennt verið til vandræða.

Svanurinn hafði fengið viðurnefnið „Hafnarstjórinn“ af bæjarbúum og var listinn yfir „brot“ hans orðinn ansi langur.

„Svanurinn var aflífaður aðfaranótt fimmtudagsins. Það var mikilvægt fyrir okkur að bíða ekki til morguns til að sleppa við vandræði. Með því að hafa þetta svona var enginn sem sá það og dýrið varð ekki stressað,“ segir Øystein Svalheim á landbúnaðarskrifstofi Bjarnarfjarðar, suður af Björgvin.

„Hafnarstjórinn“ hafði margoft verið til vandræða í höfninni í Os. Tók botninn úr þegar hann reyndi að draga stúlku á leikskólaaldri undir vatnyfirborðið og var í kjölfarið ákveðið að aflífa fuglinn.

Áður en náðist að fanga og aflífa Hafnarstjórann náði hann einni síðustu árás þegar hann fór um borð í bát sextán ára stúlku sem neyddist til að fara frá borði og synda í land.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.