Innlent

Stefna á að fjarlægja bílinn úr Esjunni í dag

Erna Agnes Sigurgeirsdóttir og Jóhann K. Jóhannsson skrifa
Bíllinn er í um 400 metra hæð og fastur í hlíðum Esjunnar. Bíllinn festist eftir að hafa verið ekið utan vega. Töluverð náttúruspjöll eru á svæðinu eftir bílinn.
Bíllinn er í um 400 metra hæð og fastur í hlíðum Esjunnar. Bíllinn festist eftir að hafa verið ekið utan vega. Töluverð náttúruspjöll eru á svæðinu eftir bílinn. Vísir/Stefán Karlsson
Búist er við að búið verði að fjarlægja bílinn, sem ekið var upp Esjuna, í kvöld ef allt gengur eftir. Ásgeir Pétur Guðmundsson, lögreglufulltrúi staðfestir þetta í samtali við fréttastofu.

Enn hefur ekki náðst í eiganda bílsins. Bíllinn er staðsettur í um 400 metra hæð. Aðspurður hver næstu skref verða, segir Ásgeir að byrjað verði á því að reyna að ná í eiganda bílsins og fá lykla. Annars muni þeir að taka af skarið sjálfir.

„Við þurfum að gera eitthvað í þessu í dag sýnist mér,“ segir Ásgeir.

Töluverð náttúruspjöll eru á staðnum eftir bílinn. Dekkjaför eru sjáanleg og eru þau mest þar sem hann er fastur. Aðspurður segir Ásgeir að ekki sé auðvelt að komast að þessu. Hann hafi ekki farið á staðinn sjálfur en hann hafi séð myndir.




Fleiri fréttir

Sjá meira


×