Lífið

Brotist inn hjá Hillary Duff

Margrét Helga Erlingsdóttir skrifar
Hillary Duff var í Kanada þegar þjófarnir rændu hana.
Hillary Duff var í Kanada þegar þjófarnir rændu hana. Vísir/getty
Leikkonan Hillary Duff var í fríi í Kanada þegar innbrotsþjófar brutu niður hurðina á heimili hennar í Beverly Hills í Bandaríkjunum. Þetta kemur fram á TMZ.

Þjófarnir létu greipar sópa en Duff sér mest eftir verðmætu skartgripasafni sínu sem þeir tóku ófrjálsri hendi. Þjófavarnarkerfið fór aldrei í gang á meðan þessu stóð.

Talið er að innbrotsþjófarnir hafi beðið færis þegar leik-og söngkonan fór í frí. Hún birti ótal myndir og myndbönd úr fríinu sínu, þannig að öllum var ljóst að enginn var heima.






Fleiri fréttir

Sjá meira


×