Golf

Ólafía færist nær topp 100

Eiríkur Stefán Ásgeirsson skrifar
Ólafía Þórunn Kristinsdóttir spilaði vel um helgina.
Ólafía Þórunn Kristinsdóttir spilaði vel um helgina. vísir/getty
Góður árangur Ólafíu Þórunnar Kristinsdóttur á Marathon Classic-mótinu í gær færði henni skrefi nær 100 tekjuhæstu kylfingum LPGA-mótaraðarinnar.

Ólafía Þórunn fékk 6206 dollara í sinn hlut fyrir árangurinn en hún hafnaði í 45. sæti á mótinu eftir frábæran lokahring í gær, er hún spilaði á 67 höggum.

Þetta eru jafnvirði tæpra 650 þúsund króna en Ólafía er alls komin með 40 þúsund  dollara í tekjur á tímabilinu.

100 efstu kylfingarnir á peningalista LPGA-mótaraðarinnar endurnýja þátttökurétt sinn á mótinu en Katherin Perry, sem er nú í 100. sæti listans, hefur aflað alls 62 þúsund dollara.

Miðað við gengi Ólafíu í síðustu mótum á hún stutt í land með að komast inn á topp 100 en hún hefur fengið 16500 dollara í síðustu tveimur mótum sínum.

Næsta mót á LPGA-mótaröðinni er Opna skoska meistaramótið sem hefst á fimmtudag. Ólafía er sem stendur fyrsti varamaður inn í mótið af LPGA-mótaröðinni.


Tengdar fréttir

Ólafía: Búin að spila mjög vel

Ólafía Þórunn Kristinsdóttir spilaði lokahring sinn á Marathon Classic mótinu í Ohio-fylki í Bandaríkjunum.

Ólafía lék lokahringinn frábærlega í dag

Ólafía Þórunn Kristinsdóttir, atvinnukylfingur úr GR, er í fullu fjöri á LPGA mótaröðinni. Hún var að leika á Marathon Classic mótinu í Ohio í Bandaríkjunum.




Fleiri fréttir

Sjá meira


×