Golf

Ólafía: Spilaði mjög vel

Ingvi Þór Sæmundsson skrifar
Ólafía Þórunn lék á tveimur höggum undir pari í dag.
Ólafía Þórunn lék á tveimur höggum undir pari í dag. vísir/getty
„Ég spilaði mjög vel og náði alltaf að halda boltanum í leik. Vindurinn var mjög stífur en ég er bara þolinmóð og geri mitt besta,“ sagði Ólafía Þórunn Kristinsdóttir eftir annan keppnisdaginn á Opna skoska meistaramótinu í golfi.

Ólafía lék afar vel í dag, eða á tveimur höggum undir pari og lyfti sér upp í 6. sætið á mótinu.

Hún segist hafa fengið góðar ráðleggingar frá þjálfara sínum, Derrick Moore.

„Derrick sagði mér að slá hálft högg, halda boltanum lágum og ég held að það hafi verið mjög hjálplegt,“ sagði Ólafía sem á möguleika á að komast inn á Opna breska meistaramótið með góðri frammistöðu á Opna skoska.

„Því miður fæ ég ekki að spila á úrtökumóti á mánudaginn. Þetta er því eini möguleiki minn til að komast þangað. Ég uppfyllti ekki allar kröfurnar en ég held áfram að reyna að spila vel og vonandi gengur það upp,“ sagði Ólafía að endingu.

Keppni á Opna skoska heldur áfram á morgun og hefst bein útsending frá mótinu klukkan 14:00 á Golfstöðinni.


Tengdar fréttir

Ólafía í 6. sæti eftir frábæra spilamennsku í dag

Ólafía Þórunn Kristinsdóttir lék einstaklega vel á öðrum degi Opna skoska meistaramótsins í golfi sem fer fram á North Ayrshire í Skotlandi. Mótið er hluti af LPGA-mótaröðinni í golfi.




Fleiri fréttir

Sjá meira


×