Erlent

Stúlku nauðgað tvisvar sama kvöld

Margrét Helga Erlingsdóttir skrifar
Breska lögreglan biðlar til almennings. Hún biður þá sem gætu hafa orðið vitni að árásunum tveimur að gefa sig fram.
Breska lögreglan biðlar til almennings. Hún biður þá sem gætu hafa orðið vitni að árásunum tveimur að gefa sig fram. Vísir/getty
Umfangsmikil leit stendur nú yfir í Bretlandi að tveimur mönnum sem nauðguðu fimmtán ára gamalli stúlku á sama kvöldinu í Birmingham.

Verknaðurinn átti sér stað þegar stúlkan var á leið til vinar síns. Hún var í námunda við Witton lestarstöðina þegar maður hrifsar í hana og fer með hana á afskekkt svæði innan lestarstöðvarinnar og nauðgar henni. CNN greinir frá þessu. 

Eftir árásina hraðaði stúlkan sér frá lestarstöðinni í leit að hjálp. Hún stöðvaði bíl sem átti leið hjá og leitaði ásjár ökumannsins. Í stað þess að hjálpa stúlkunni braut hann einnig á henni kynferðislega.

Stúlkan gerði lögreglu viðvart um nauðganirnar. Sú fyrri átti sér stað í kringum sjöleytið að staðartíma síðastliðinn þriðjudag og síðari árásin gerðist klukkan tvö aðfaranótt miðvikudags.

Lögregluyfirvöld lýsa nú eftir þeim sem gætu hafa orðið vitni af árásunum eða búa yfir upplýsingum um verknaðinn.  nauðganirnar verða rannsakaðar sem tvö aðskilin kynferðisbrot.




Fleiri fréttir

Sjá meira


×