Golf

Rahm rúllaði upp opna írska

Henry Birgir Gunnarsson skrifar
Rahm með bikarinn í gær.
Rahm með bikarinn í gær. vísir/getty
Jon Rahm vann í gær sitt fyrsta mót á Evrópumótaröðinni er hann var sex höggum á undan næsta manni á opna írska mótinu.

Rahm var jafn tveimur öðrum fyrir lokadaginn en spilaði svo frábærlega og skildi þá eftir í rykinu.

Hann stressaðist reyndar aðeins upp á þrettándu holu er óttast var að hann gæti fengið víti en Rahm slapp með skrekkinn. Yfirburðir hans voru svo miklir að hann gat leyft sér að fá skolla á tveimur af síðustu þrem holunum án þess að svitna.

Hann kom í hús á samtals 24 höggum undir pari sem er einstakur árangur og sá besti á þessu móti frá upphafi. Hann bætti metið um þrjú högg.




Fleiri fréttir

Sjá meira


×