Formúla 1

Lewis Hamilton heldur ráspólnum

Kristinn Ásgeir Gylfason skrifar
Hamilton heldur ráspólnum á heimavelli.
Hamilton heldur ráspólnum á heimavelli. Vísir/Getty
Lewis Hamilton á Mercedes náði sínu 67. ráspól á ferlinum og þeim fimmta á Silverstone. Hann sætti rannsókn dómara keppninnar enda grunaður um að hægja á Romain Grosjean sem var að setja tímatökuhring.

Í yfirlýsingu dómara keppninnar segir: „Dómararnir skoðuðu myndband og upplýsingar úr bílunum og við höfum úrskurðað að þótt GRO [Grosjean] hafi hugsanlega orðið fyrir einhverjum áhrifum af nærveru HAM [Hamilton] í beygju 16 þá varð hann ekki fyrir töfum.“

Hamilton hefur því verið hreinsaður af öllum grun og heldur ráspólnum á heimavelli sínum, Silverstone brautinni í Bretlandi.

Hamilton var að stilla sér upp fyrir tilraun sína til að tryggja sér ráspól. Á sama tíma var Grosjean að ljúka tímatökuhring. Frakkinn nálgaðist Hamilton á miklum hraða á leið inn í hæga beygju.

Haas liðið segir að Grosjean hafi tapað 0,3 sekúndum. Grosjean sjálfur sagði a tilraun hans hefði verið eyðilögð af Hamilton.

„Ég var að fara að hefja minn hirng, með Valtteri [Bottas] á undan og ég var að reyna að búa til pláss. Það var Force India bíll fyrir aftan mig sem fór svo inn á þjónustusvæðið,“ sagði Hamilton eftir tímatökuna.

„Það var enginn fyrir aftan mig og svo leit ég í spegilinn og sá að það var bíll fyrir aftan mig. Ég reyndi að gefa í og koma mér frá honum. Ég veit ekki hvort ég var fyrir honum en ef ég tafði hann þá bið ég afsökunar. Liðið var ekki búið að upplýsa mig um að hann væri að koma,“ sagði Hamilton.

Í yfirlýsingu dómara keppninnar segir: „Dómararnir skoðuðu myndband og upplýsingar úr bílunum og við höfum úrskurðað að þótt GRO [Grosjean] hafi hugsanlega orðið fyrir einhverjum áhrifum af nærveru HAM [Hamilton] í beygju 16 þá varð hann ekki fyrir töfum.“


Tengdar fréttir

Lewis Hamilton á ráspól á heimavelli

Lewis Hamilton á Mercedes var fljótastur í tímatökunni fyrir breska kappaksturinn sem fram fer á morgun. Kimi Raikkonen á Ferrari varð annar og Sebastian Vettel á Ferrari þriðji.




Fleiri fréttir

Sjá meira


×