Enski boltinn

Rashford minnti á sig í öruggum sigri Manchester United

Kristinn Páll Teitsson skrifar
Valencia, Fellaini, Carrick og Lindgard fagna með Rashford öðru af mörkum hans.
Valencia, Fellaini, Carrick og Lindgard fagna með Rashford öðru af mörkum hans. Vísir/Getty

Ungstirnið Marcus Rashford minnti á sig með tveimur mörkum í fyrri hálfleik í öruggum 5-2 sigri Manchester United gegn LA Galaxy í borg englanna en þetta var fyrsti leikur Manchester United á undirbúningstímabilinu.

Nýjustu liðsmenn Manchester United, Romelu Lukaku og Victor Lindelof, byrjuðu leikinn á bekknum en fengu 45 mínútur í seinni hálfleik í fyrsta leik sínum fyrir félagið.

Það tók Rashford ekki langan tíma til að stimpla sig inn en hann kom gestunum yfir á annarri mínútu og bætti svo við öðru marki á tuttugustu mínútu leiksins.

Belgíski miðjumaðurinn Marouane Fellaini bætti við þriðja markinu sex mínútum síðar og var staðan 3-0 í hálfleik. Gerði Jose Mourinho ellefu breytingar á liði Manchester United í hálfleik.

Gestirnir frá Englandi bættu við tveimur mörkum frá Henrikh Mkhitaryan og Anthony Martial áður en fyrrum Börsungurinn Gio Dos Santos klóraði í bakkan í tvígang fyrir heimamenn.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira