Fótbolti

Theodór Elmar á leið til Tyrklands

Ingvi Þór Sæmundsson skrifar
Elmar fagnar í landsleik gegn Tyrkjum.
Elmar fagnar í landsleik gegn Tyrkjum. vísir/andri marinó
Theodór Elmar Bjarnason er á förum til tyrkneska B-deildarliðsins Elazığspor. Frá þessu er greint á vefsíðunni 433.is.

Elmar er sem stendur án félags en hann yfirgaf AGF fyrr í sumar.

Samkvæmt heimildum 433.is er Elmar nú staddur í Tyrklandi að hnýta alla lausa enda.

Elmar, sem er þrítugur, hefur leikið erlendis frá árinu 2004. Hann hefur leikið með Celtic, Lyn, IFK Göteborg, Randers og nú síðast AGF.




Fleiri fréttir

Sjá meira


×