Innlent

Eldsupptök á Stokkseyri enn óljós

Sunna Karen Sigurþórsdóttir skrifar
Mikill eldur logaði þegar slökkvilið bar að garði.
Mikill eldur logaði þegar slökkvilið bar að garði. Brunarvarnir Árnessýslu

Enn er óljóst hver upptök eldsvoðans í íbúðarhúsi á Stokkseyri í gær voru. Rannsókn málsins stendur yfir og hefur tæknideild lögreglunnar á höfuðborgarsvæðinu verið fengin til aðstoðar, að sögn Þorgríms Óla Sigurðssonar, aðstoðaryfirlögregluþjóns á Suðurlandi.

Aðspurður segir Þorgrímur Óli að um altjón hafi verið að ræða og að húsið verði rifið í dag. Hann segist ekki geta svarað til um hvort grunur leiki á íkveikju.

Tilkynning um eldsvoðann barst slökkviliði Brunavarna Árnessýslu klukkan rúmlega fimm í gærmorgun en mikill eldur logaði þegar slökkvilið bar að garði. Kona sem var inni í húsinu komst að sjálfsdáðum út ásamt tveimur hundum en hún var flutt á slysadeild í Reykjavík með reykeitrun.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira