Enski boltinn

Lacazette vill hitta stuðningsmanninn sem er með tattú af honum á rassinum á sér

Ingvi Þór Sæmundsson skrifar
Lacazette er dýrasti leikmaður í sögu Arsenal.
Lacazette er dýrasti leikmaður í sögu Arsenal. vísir/getty
Alexandre Lacazette, nýjasti leikmaður Arsenal, vill ólmur hitta manninn sem fékk sér af tattú af honum á aðra rasskinnina sína.

Stuðningsmaður Arsenal sem gengur undir nafninu sxmleach á Twitter hafði lofað því að láta flúra andlitið á Lacazette á rassinn á sér ef Frakkinn færi til Arsenal.

Í byrjun mánaðarins gekk Arsenal frá kaupunum á Lacazette og stuðningsmaðurinn þurfti þá að standa við loforðið.

Hann gerði það og er nú kominn með stærðarinnar tattú af Lacazette á hægri rasskinnina.

Lacazette hefur séð umrætt tattú og vill nú endilega hitta stuðningsmanninn og færa honum treyjuna sína.




Fleiri fréttir

Sjá meira


×