Handbolti

Snorri og Guðlaugur munu þjálfa Valsliðið saman

Henry Birgir Gunnarsson skrifar
Snorri Steinn (annar frá vinstri) og Árni Þór (lengst til vinstri) á blaðamannafundinum í dag.
Snorri Steinn (annar frá vinstri) og Árni Þór (lengst til vinstri) á blaðamannafundinum í dag. vísir/eyþór
Á blaðamannafundi Vals í hádeginu var greint frá því að þeir Snorri Steinn Guðjónsson og Guðlaugur Arnarsson verði þjálfarar karlaliðs Vals á næstu leiktíð.

Snorri mun einnig spila með Valsliðinu. Ekki ónýtur liðsstyrkur þar.

Óskar Bjarni Óskarsson og Guðlaugur Arnarsson voru þjálfarar karlaliðs Vals á síðustu leiktíð. Óskar mun verða yfirþjálfari allra flokka félagsins og skipuleggja afreksstefnu félagsins. Óskar mun veita öllum þjálfurum félagsins faglega aðstoð.

Gísli Guðmundsson verður markvarðarþjálfari félagsins og Hlynur Morthens mun aðstoða hann á þeim vettvangi.

Orri Freyr Gíslason, fyrirliði Vals, er svo búinn að framlengja við félagið en norska liðið Elverum vildi fá Orra sem og bróðir hans, Ými.




Fleiri fréttir

Sjá meira


×