Þýskalandskanslari í beinni andstöðu við Bandaríkjaforseta Þórgnýr Einar Albertsson skrifar 30. júní 2017 07:00 Angela Merkel, Þýskalandskanslari, bauð Donald Tusk, forseta leiðtogaráðs Evrópusambandsins velkominn til Þýskalands í gær. vísir/afp Árlegur fundur leiðtoga G20 ríkjanna mun að mestu snúast um hvernig hægt sé að byggja ofan á þann grunn sem Parísarsamkomulagið er og baráttuna gegn loftslagsbreytingum. Þetta sagði Angela Merkel, kanslari Þýskalands, á þingfundi í gær. Þjóðverjar eru gestgjafar fundarins sem fer fram 7. og 8. júlí. Venja er fyrir því að gestgjafinn ákveði forgangsatriði fundarins. Fundurinn gæti þar af leiðandi orðið nokkuð einkennilegur fyrir Donald Trump, forseta Bandaríkjanna, sem tilkynnti á dögunum að hann myndi draga ríki sitt út úr samkomulaginu. Viðurkenndi Merkel þetta fyrir þinginu. Hún sagði þó að baráttan gegn loftslagsbreytingum væri forgangsmál fyrir Evrópuþjóðir. „Ágreiningsmálin eru augljós og það væri óheiðarlegt af mér að reyna að draga dul á þau. Það mun ég ekki gera,“ sagði Merkel og bætti við: „Evrópusambandið stendur við Parísarsamkomulagið og mun innleiða ákvæði þess hratt og örugglega.“ Þá sagði Merkel að ákvörðun Bandaríkjaforseta hefði þau áhrif að hún væri enn ákveðnari en áður í að tryggja að markmið Parísarsamkomulagsins verði að veruleika. Kanslarinn skaut einnig á Trump. „Þeir sem halda að vandamál heimsins megi leysa með einangrunarstefnu hafa einstaklega rangt fyrir sér.“ Leiðtogar tuttugu ríkja sækja fundinn. Það er leiðtogar Argentínu, Ástralíu, Brasilíu, Kanada, Kína, Frakklands, Þýskalands, Indlands, Indónesíu, Ítalíu, Japans, Mexíkó, Rússlands, Sádi-Arabíu, Suður-Afríku, Suður-Kóreu, Tyrklands, Bretlands og Bandaríkjanna auk forseta leiðtogaráðs ESB og forseta framkvæmdastjórnar ESB. Þá hefur leiðtogum Gíneu, Hollands, Noregs, Senegal, Singapúr, Spánar og Víetnam einnig verið boðið. Bandaríkin eru eina ríkið sem sækir fundinn sem mun ekki vera hluti af Parísarsamkomulaginu. Trump er þó ekki eini leiðtoginn sem Merkel stendur í stappi við. Recep Tayyip Erdogan, forseti Tyrklands, hefur nefnilega óskað eftir því að halda stuðningsmannafund með Tyrkjum í Þýskalandi. Sigmar Gabriel, utanríkisráðherra Þýskalands, sagði í samtali við Deutsche Welle að slíkt hentaði ekki. Pólitískt landslag í Þýskalandi væri ekki rétt fyrir slíkan fund. Fyrr á árinu var ráðherrum Erdogans meinað að halda slíka fundi í aðdraganda þjóðaratkvæðagreiðslu um stjórnarskrárbreytingar, sem voru síðan samþykktar og færðu Tyrkland í átt að forsetaræði. Sakaði Erdogan þá Þjóðverja um að haga sér líkt og þeir gerðu í síðari heimsstyrjöldinni. Fór svo að lokum að 63 prósent Tyrkja í Þýskalandi kusu með breytingunum en 37 prósent gegn þeim. Birtist í Fréttablaðinu Mest lesið Breytinga þörf eigi Landsbankinn ekki að keppa á markaði Viðskipti innlent Stöð 2+ lækkar verð Neytendur Sólin sest fyrir fullt og allt á Sælunni Viðskipti innlent Ný kynslóð vélmenna vekur óhug Viðskipti erlent Jón nýr formaður bankaráðs Landsbankans Viðskipti Opna verslun á Keflavíkurflugvelli þar sem Arion var áður Viðskipti innlent Sýn hættir við að selja vefmiðla og útvarp Viðskipti innlent Enn ekkert að frétta af félagi sem þúsundir Íslendinga eiga kröfu á Neytendur Tók fimm mánuði að byrja að tala íslensku Atvinnulíf Þrjú atriði til að auka á sjálfsöryggið okkar í vinnunni Atvinnulíf Fleiri fréttir Ný kynslóð vélmenna vekur óhug Ólígarkar unnu mál vegna refsiaðgerða fyrir Evrópudómstól Gervigreind Amazon reyndist þúsund Indverjar Rekja meirihluta heimslosunar til 57 framleiðenda Í basli með viðhald og viðgerðir á olíuvinnslum Taylor Swift meðal 265 nýliða á milljarðamæringalista Forbes Wow lifir enn góðu lífi í undraheimi Roosevelt Edwards Rússar flytja inn eldsneyti eftir drónaárásir Trump græddi milljarða dala í dag Forstjóri Boeing lætur af störfum fyrir árslok Bandaríkin höfða mál gegn Apple vegna einokunar Færeyska 757-þotan fær aðra ferð á Vogaflugvöll Boeing 757-þotan fær ekki að lenda í Færeyjum Birta tölvupósta frá Musk Sala á iPhone-símum hríðfellur í Kína Færeyingar fagna fiskflutningaþotu Facebook virkar á ný Bezos tekur aftur fram úr Musk Apple sektað um 270 milljarða af ESB Sjá meira
Árlegur fundur leiðtoga G20 ríkjanna mun að mestu snúast um hvernig hægt sé að byggja ofan á þann grunn sem Parísarsamkomulagið er og baráttuna gegn loftslagsbreytingum. Þetta sagði Angela Merkel, kanslari Þýskalands, á þingfundi í gær. Þjóðverjar eru gestgjafar fundarins sem fer fram 7. og 8. júlí. Venja er fyrir því að gestgjafinn ákveði forgangsatriði fundarins. Fundurinn gæti þar af leiðandi orðið nokkuð einkennilegur fyrir Donald Trump, forseta Bandaríkjanna, sem tilkynnti á dögunum að hann myndi draga ríki sitt út úr samkomulaginu. Viðurkenndi Merkel þetta fyrir þinginu. Hún sagði þó að baráttan gegn loftslagsbreytingum væri forgangsmál fyrir Evrópuþjóðir. „Ágreiningsmálin eru augljós og það væri óheiðarlegt af mér að reyna að draga dul á þau. Það mun ég ekki gera,“ sagði Merkel og bætti við: „Evrópusambandið stendur við Parísarsamkomulagið og mun innleiða ákvæði þess hratt og örugglega.“ Þá sagði Merkel að ákvörðun Bandaríkjaforseta hefði þau áhrif að hún væri enn ákveðnari en áður í að tryggja að markmið Parísarsamkomulagsins verði að veruleika. Kanslarinn skaut einnig á Trump. „Þeir sem halda að vandamál heimsins megi leysa með einangrunarstefnu hafa einstaklega rangt fyrir sér.“ Leiðtogar tuttugu ríkja sækja fundinn. Það er leiðtogar Argentínu, Ástralíu, Brasilíu, Kanada, Kína, Frakklands, Þýskalands, Indlands, Indónesíu, Ítalíu, Japans, Mexíkó, Rússlands, Sádi-Arabíu, Suður-Afríku, Suður-Kóreu, Tyrklands, Bretlands og Bandaríkjanna auk forseta leiðtogaráðs ESB og forseta framkvæmdastjórnar ESB. Þá hefur leiðtogum Gíneu, Hollands, Noregs, Senegal, Singapúr, Spánar og Víetnam einnig verið boðið. Bandaríkin eru eina ríkið sem sækir fundinn sem mun ekki vera hluti af Parísarsamkomulaginu. Trump er þó ekki eini leiðtoginn sem Merkel stendur í stappi við. Recep Tayyip Erdogan, forseti Tyrklands, hefur nefnilega óskað eftir því að halda stuðningsmannafund með Tyrkjum í Þýskalandi. Sigmar Gabriel, utanríkisráðherra Þýskalands, sagði í samtali við Deutsche Welle að slíkt hentaði ekki. Pólitískt landslag í Þýskalandi væri ekki rétt fyrir slíkan fund. Fyrr á árinu var ráðherrum Erdogans meinað að halda slíka fundi í aðdraganda þjóðaratkvæðagreiðslu um stjórnarskrárbreytingar, sem voru síðan samþykktar og færðu Tyrkland í átt að forsetaræði. Sakaði Erdogan þá Þjóðverja um að haga sér líkt og þeir gerðu í síðari heimsstyrjöldinni. Fór svo að lokum að 63 prósent Tyrkja í Þýskalandi kusu með breytingunum en 37 prósent gegn þeim.
Birtist í Fréttablaðinu Mest lesið Breytinga þörf eigi Landsbankinn ekki að keppa á markaði Viðskipti innlent Stöð 2+ lækkar verð Neytendur Sólin sest fyrir fullt og allt á Sælunni Viðskipti innlent Ný kynslóð vélmenna vekur óhug Viðskipti erlent Jón nýr formaður bankaráðs Landsbankans Viðskipti Opna verslun á Keflavíkurflugvelli þar sem Arion var áður Viðskipti innlent Sýn hættir við að selja vefmiðla og útvarp Viðskipti innlent Enn ekkert að frétta af félagi sem þúsundir Íslendinga eiga kröfu á Neytendur Tók fimm mánuði að byrja að tala íslensku Atvinnulíf Þrjú atriði til að auka á sjálfsöryggið okkar í vinnunni Atvinnulíf Fleiri fréttir Ný kynslóð vélmenna vekur óhug Ólígarkar unnu mál vegna refsiaðgerða fyrir Evrópudómstól Gervigreind Amazon reyndist þúsund Indverjar Rekja meirihluta heimslosunar til 57 framleiðenda Í basli með viðhald og viðgerðir á olíuvinnslum Taylor Swift meðal 265 nýliða á milljarðamæringalista Forbes Wow lifir enn góðu lífi í undraheimi Roosevelt Edwards Rússar flytja inn eldsneyti eftir drónaárásir Trump græddi milljarða dala í dag Forstjóri Boeing lætur af störfum fyrir árslok Bandaríkin höfða mál gegn Apple vegna einokunar Færeyska 757-þotan fær aðra ferð á Vogaflugvöll Boeing 757-þotan fær ekki að lenda í Færeyjum Birta tölvupósta frá Musk Sala á iPhone-símum hríðfellur í Kína Færeyingar fagna fiskflutningaþotu Facebook virkar á ný Bezos tekur aftur fram úr Musk Apple sektað um 270 milljarða af ESB Sjá meira