Enski boltinn

Huddersfield kræktu í leikmann fyrir metfé

Elías Orri Njarðarson skrifar
Laurent Depoitre, nýjasti leikmaður Huddersfield
Laurent Depoitre, nýjasti leikmaður Huddersfield visir/epa
Sky Sports greina frá því að Huddersfield Town, nýliðar í ensku úrvalsdeildinni á næsta tímabili, kræktu í belgíska framherjann, Laurent Depoitre frá Porto fyrir óuppgefið metfé.

Depoitre er fyrsti leikmaðurinn sem kemur til Huddersfield eftir að þeir komust upp í deild þeirra bestu á Englandi og skrifaði undir tveggja ára samning við nýliðanna.

Lið Huddersfield endaði í fimmta sæti í Championship-deildinni á síðasta tímabili en komu sér upp um deild eftir að hafa unnið Reading í vítaspyrnukeppni í umspili um sæti í úrvalsdeildinni.

Depoitre lék aðeins 7 leiki fyrir Porto og skoraði 1 mark á síðasta tímabili.




Fleiri fréttir

Sjá meira


×