Enski boltinn

Will Hughes til Watford

Elías Orri Njarðarson skrifar
Will Hughes í leik með enska U-21 landsliðinu.
Will Hughes í leik með enska U-21 landsliðinu. visir/getty
Watford hefur styrkt sig fyrir komandi átök í ensku úrvalsdeildinni. BBC greinir frá.

Will Hughes, 22 ára enskur miðjumaður, er kominn til Watford eftir að hafa spilað allan sinn feril með Derby County í Championship deildinni á Englandi.

Hughes skrifaði undir fimm ára samning við Watford en hann er fyrstu kaup Marco Silva, sem er nýtekinn við stjórnartaumunum á Vicarage Road.

Watford borgaði 8 milljónir punda fyrir Hughes sem hefur leiki 165 leiki fyrir Derby þrátt fyrir ungan aldur og skorað 9 mörk. Hann hefur verið fastamaður í yngri landsliðum Englands síðustu ár.

Hughes er einmitt staddur með Englandi á Evrópumóti undir-21 árs liða í knattspyrnu í Póllandi og mun mæta til æfinga hjá Watford eftir mótið.




Fleiri fréttir

Sjá meira


×