Fótbolti

Heimsmeistararnir unnu sinn riðil eftir öruggan sigur

Elías Orri Njarðarson skrifar
Timo Werner skoraði tvö mörk fyrir Þýskaland í dag
Timo Werner skoraði tvö mörk fyrir Þýskaland í dag visir/getty
Tveimur leikjum er nú lokið í B-riðli Álfukeppninni í fótbolta í dag.

Síle mætti Ástralíu en fyrir leik sat Síle í efsta sæti B-riðils með 4 stig.

James Troisi, leikmaður Melbourne Victory í Ástralíu, kom Áströlum óvænt yfir í leiknum á 42. mínútu leiksins þegar að boltinn barst til hans inn á teig og hann vippaði boltanum snyrtilega yfir Claudio Bravo í marki Síle.

Leikurinn var jafn og spennandi en á 66. mínútu jafnaði Síle metin þegar Martín Rodriguez, sem spilar með Cruz Azul í Mexíkó, skoraði eftir lélega hreinsun frá Áströlum.

Fleiri voru mörkin ekki og leiknum lauk með 1-1 jafntefli.

Síle tekur annað sætið í riðlinum með 5 stig en Ástralir sitja í þriðja sætinu með 2 stig.

Þýskaland og Kamerún mættust í hinum leik B-riðilsins.

Þjóðverjar voru sterkari í leiknum en hvorugt liðanna tókst að skora þegar að fyrri hálfleik lauk. Staðan var því 0-0 í hálfleik.

Kerem Demirbay, leikmaður TSG Hoffenheim, kom Þýskalandi yfir með snyrtilegu skoti fyrir utan teig. Þjóðverjar búnir að brjóta ísinn og komnir yfir.

Það dró svo til tíðinda þegar að Ernest Mabouka fékk rautt spjald á 64. mínútu eftir að myndbandsdómarar leiksins dæmdu hann brotlegan við lítinn fögnuð leikmanna Kamerún.

Stuttu eftir rauða spjaldið kom Timo Werner Þýskalandi yfir með fínum skalla á 67. mínútu og Þjóðverjar komnir með fínt forskot.

Á 78. mínútu leiksins gerði Ter Stegen, markvörður Þýskalands, sig sekan um slæm mistök þegar að Vincent Aboubakar skallaði að marki, beint á Ter Stegen sem átti að verja frá Aboubakar og kom Kamerúnum aftur inn í leikinn.

Timo Werner var hins vegar ekki á sama máli og bætti sínu öðru marki við, á 81. mínútu, með snyrtilegu skoti eftir að hafa fengið boltann inn á vítateig Kamerún.

Þjóðverjar fengu fleiri færi til þess að auka forskot sitt, en það gekk ekki eftir. Leiknum lauk með 4-1 sigri Þjóðverja sem taka efsta sætið í B-riðlinum með 7 stig en Kamerún er á botni riðilsins með 1 stig og eru því úr leik.




Fleiri fréttir

Sjá meira


×