Fótbolti

Ronaldo: Ánægður með að vera með börnunum mínum í fyrsta skipti

Eiríkur Stefán Ásgeirsson skrifar
Portúgal tapaði fyrr Síle í vítaspyrnukeppni í Álfukeppninni í gær. Hér er Cristiano Ronaldo í leiknum.
Portúgal tapaði fyrr Síle í vítaspyrnukeppni í Álfukeppninni í gær. Hér er Cristiano Ronaldo í leiknum. Vísir/Getty
Cristiano Ronaldo staðfesti á Facebook-síðu sinni í gær að hann sé orðinn faðir á nýjan leik en orðrómur hefur verið á kreiki að hann hafi eignast tvíbura í síðasta mánuði með aðstoð staðgöngumóður.

Ronaldo fékk leyfi til að fara heim og vera með fjölskyldu sinni eftir að Portúgal féll úr leik í undanúrslitum Álfukeppninnar í Rússlandi í gær.

„Ég er mjög ánægður með að fá loksins að vera með börnunum mínum í fyrsta sinn,“ sagði hann á Facebook-síðu sinni eftir leikinn í gær.

Fyrir á hann Cristiano Ronaldo yngri, sjö ára, sem kom einnig í heiminn með aðstoð staðgöngumóður.

Ronaldo er í sambandi með hinni spænsku Georgina Rodriguez en sögusagnir hafa verið á kreiki um að hún sé barnshafandi.


Tengdar fréttir

Ronaldo eignast tvíbura

Fótboltamaðurinn Cristiano Ronaldo er orðinn faðir á ný með hjálp staðgöngumóður.

Bravo hélt hreinu í vítaspyrnukeppninni

Claudio Bravo varði Síle inn í úrslitaleik Álfukeppninnar í kvöld er hann lokaði markinu í vítaspyrnukeppni gegn Portúgal í undanúrslitaleik.




Fleiri fréttir

Sjá meira


×