Golf

Sú efsta á heimslistanum bjartsýn

Þorsteinn Hallgrímsson skrifar
So Yeon Ryu vann fyrsta risamót ársins, ANA Inspiration.
So Yeon Ryu vann fyrsta risamót ársins, ANA Inspiration. vísir/getty
Eftir sigur á Walmart mótinu um síðustu helgi komst So Yeon Ryu frá Suður Kóreu í efsta sæti heimslistans í golfi í fyrsta sinn.

Hún er fyrsti kylfingurinn á LPGA mótaröðinni í ár til að vinna fleiri en eitt mót. Hún vann einnig fyrsta risamót ársins, ANA Inspiration, eftir bráðabana við Lexi Thompson frá Bandaríkjunum.

Ryu er eðlilega bjartsýn fyrir KPMG LPGA Championship en sagði að flatirnar á Olympia Fields vellinum væru virkilega erfiðar við að eiga og mikilvægt að eiga ekki pútt niður halla á flötunum.

Með lengdina á vellinum sagði hún að oft væri leikið á lengri völlum en samt væri karginn meiri hér og því mikilvægara að hitta brautir í upphafshöggum. Hún hafði einnig orð á því að erfiðir vellir hafi ekki verið vandamál hjá henni hingað til þar sem hún hafi bætt teighöggin mikið og væri síður í vandræðum eftir þau.

Hún hafði einnig orð á því að Inbee Park meistari á PGA Championship mótinu 2013, 2014 og 2015 hafi hjálpað henni mikið við að bæta ákvarðanatöku á vellinum.

So Yeon Ryu hefur leik 18:40 í dag. Sýnt verður frá mótinu á Golfstöðinni í dag og hefst útsending klukkan 16:30.


Tengdar fréttir

Faðir Ólafíu segir dáleiðslu hafa reynst henni vel í golfinu

Kristinn J. Gíslason, faðir golfstjörnunnar Ólafíu Þórunnar Kristinsdóttur, segir andlegu hlið golfsins mjög mikilvæga. Hann hefur notfært sér dáleiðsluþekkingu sína og hjálpað kylfingum, þar á meðal Alfreði syni sínum, og auðvitað Ólafíu.

Vil sýna hvað ég spila vel

Ólafía Þórunn Kristinsdóttir heldur áfram að vera brautryðjandi íslenskra kylfinga þegar hún hefur í dag keppni á stórmóti í golfi, fyrst íslenskra kylfinga. Hún hefur fundið fyrir ofþreytu eftir álag síðustu vikna.

Ólafía: Tilfinningin er æðisleg

Stöð 2 Sport er mætt til Chicago og hitti Ólafíu Þórunni Kristinsdóttir degi áður en hún brýtur enn eitt blaðið í íslenskri golfsögu.




Fleiri fréttir

Sjá meira


×