Fótbolti

Íslenska liðið var á leiðinni niður í fjórða sætið í riðlinum þegar Hörður skoraði

Óskar Ófeigur Jónsson skrifar
Króatinn Tin Jedvaj gengur svekktur af velli.
Króatinn Tin Jedvaj gengur svekktur af velli. Vísir/Ernir
Íslenska karlalandsliðið vann dramatískan 1-0 sigur á  Króatíu í undankeppni HM 2018 á Laugardalsvellinum í kvöld en með sigrinum náði Ísland að komast upp að hlið Króötum á toppnum.

Hörður Björgvin Magnússon skoraði sigurmarkið á 90. mínútu eftir hornspyrnu frá Gylfa Þór Sigurðssyni.  Ísland er þar með komið með þrettán stig eins og Króatía. Króatar eru samt efstir á markatölu.

Stigið hefði ekki nóg fyrir íslenska liðið að halda öðru eða þriðja sætinu í riðlinum því liðið var komið niður í fjórða sætið þar sem úrslitin úr hinum leikjum riðilsins voru ekki hagstæð.

Úkraína og Tyrklandi unnu nefnilega sína leiki en með sínum þriðja sigri í röð þá komust Tyrkir upp fyrir Ísland í stigatöflunni. Úkraína hafði áður tekið annað sætið af Íslandi með 2-1 útisigri á Finnlandi.

Tyrkir unnu 4-1 sigur á Kósóvó á útivelli og voru þar með komnir ofar en Ísland á markatölu. Tyrkir eru með þrjú mörk í forskot í markatölu en sigurmark Harðar Björgvins sá til þess að Ísland hoppaði upp í annað sætið og upp að hlið Króatíu.

Tyrkir tókst ekki að fagna sigri í þremur fyrstu leikjum sínum í keppninni en hafa síðan unnið þrjár sigra í röð með markatölunni 8-1 (2-0 á Kósóvó, 2-0 á Finnlandi og 4-1 á Kósóvó).

Íslenska landsliðið hefur nú unnið tvo leiki í röð síðan að liðið tapaði toppslagnum á móti Króatíu í Zagreb í nóvember. Íslensku strákarnir hafa svarað kallinu eins og oft áður á síðustu árum og er nú komnir í flotta stöðu í riðlinum.


Tengdar fréttir

Twitter eftir leik: „Hörður Björgvin axlaði ábyrgð“

Leik Íslands og Króatíu var að ljúka rétt í þessu en Ísland sigraði 1-0. Hörður Björgvin tryggði okkur sigurinn á 90 mínútu. Hér má sjá viðbrögðin á Twitter yfir leiknum en Emil og Hörður voru vinsælir.




Fleiri fréttir

Sjá meira


×