Veiði

Góð veiði á Skagaheiði

Karl Lúðvíksson skrifar
Myndarleg bleikja af Skagaheiði
Myndarleg bleikja af Skagaheiði Mynd: Veiðikortið

Silungsveiðin er í fullum gangi þessa dagana og frá vel flestum silungssvæðum berast góðar fréttir af aflabrögðum.

Skagaheiðin hefur verið vinsæll áfangastaður veiðimanna um árabil og á sín góðu ár og sín mögru ár en miðað við  þær fréttir sem ahfa borist af svæðinu það sem af er sumri virðist sem veiðin sé bara vel yfir meðallagi en það sem veiðimenn taka líka eftir er að fiskurinn virðist vera stærri heldur en venjulegt er en langmest af aflanum sem er að koma á færið er vel haldinn 2-3 punda fiskur og innan um aflann glittir í ansi marga 3-5 punda sem hefur alls ekki verið algengt.

Vötnin á Skagaheiðinni henta vel fyrir alla og við þokkaleg skilyrði ættu allir að ná að setja í fisk.  Þeir sem eru framarlega í veiðitækni í vötnum geta aftur á móti á frábæra daga og dæmi eru um að tvær til þrjár stangir séu að ná hátt í hundrað fiskum yfir daginn.  Það veiðist mun betur á flugu en beitu og skýringin fellst í því að með flugunni ferðu yfir mun stærra svæði en með maðki og þar sem fiskurinn er núna að troða sig út af púpu og flugu sem er að klekjast í yfirborðinu virðist beita bara ekki vekja neinn sérstakann áhuga.  



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira