Íslenski boltinn

Guðjón Árni fær sitt fyrsta þjálfarastarf

Ingvi Þór Sæmundsson skrifar
Frá vinstri: Sólmundur Ingi Einvarðsson formaður, Guðjón Árni Antoníusson þjálfari Víðis, Jón Oddur Sigurðsson varaformaður.
Frá vinstri: Sólmundur Ingi Einvarðsson formaður, Guðjón Árni Antoníusson þjálfari Víðis, Jón Oddur Sigurðsson varaformaður. mynd/víðir

Guðjón Árni Antoníusson hefur verið ráðinn þjálfari Víðis í Garði út tímabilið.

Guðjón tekur við starfinu af Bryngeiri Torfasyni sem var látinn taka pokann sinn á dögunum.

Guðjón er uppalinn í Garðinum og hóf meistaraflokksferilinn með Víði árið 2000. Hann lék þó lengst af með Keflavík og varð bikarmeistari með félaginu 2004 og 2006. Þá varð Guðjón Íslandsmeistari með FH 2012.

Guðjón lagði skóna á hilluna í vetur og hefur síðan þá þjálfað 2. flokk Keflavíkur og verið í þjálfaraliði meistaraflokks.

Víðir situr í 4. sæti 2. deildar með 11 stig, fimm stigum á eftir toppliði Magna.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira