Xhaka og Shaqiri fundu leiðina framhjá Gunnari

Ingvi Þór Sæmundsson skrifar
Shaqiri var á skotskónum í Þórshöfn.
Shaqiri var á skotskónum í Þórshöfn. vísir/getty
Sviss er áfram með fullt hús stiga á toppi A-riðils undankeppni HM 2018 eftir 0-2 sigur á Færeyjum í Þórshöfn í kvöld.

Það voru tveir leikmenn sem spila í ensku úrvalsdeildinni sem gerðu mörk Svisslendinga í leiknum í kvöld.

Granit Xhaka, leikmaður Arsenal, skoraði það fyrra á 36. mínútu og Xherdan Shaqiri, leikmaður Stoke City, það síðara á 59. mínútu.

Sviss er á toppi A-riðils með 18 stig, þremur stigum á undan Portúgal. Færeyjar eru í 4. sæti með fimm stig.

Gunnar Nielsen, markvörður FH, lék allan leikinn fyrir Færeyjar sem og Jónas Tór Næs, leikmaður ÍBV. Annar leikmaður ÍBV, Kaj Leó í Bartalstovu, sat allan tímann á varamannabekknum.

Bein lýsing

Leikirnir






    Fleiri fréttir

    Sjá meira