Innlent

Lögreglan ók bíl út af

Jóhann K. Jóhannsson og Sunna Kristín Hilmarsdóttir skrifa
Eins og sést er lögreglubíllinn mikið skemmdur.
Eins og sést er lögreglubíllinn mikið skemmdur. mynd/haraldur ási

Lögreglan handtók skömmu eftir miðnætti ökumann sem ekki hafði sinnt stöðvunarmerkjum lögreglu.

Eftirför lögreglu endaði með því að lögreglan þurfti að keyra bílinn út af í Hvalfirði við afleggjarann að Laxá í Kjós.

Sérsveit ríkislögreglustjóra ásamt lögreglumönnum á fimm lögreglubílum tóku þátt í eftirförinni og eitt lögreglumótorhjól. Þá var sjúkrabíll einnig sendur á staðinn.

Ekki er vitað hvort einhver hafi meiðst í árekstrinum en lögreglubílinn og bíll ökumannsins eru mikið skemmdir. Ökumaðurinn var handtekinn á staðnum.

Ekki hafa fengist upplýsingar hvar eftirförin hófst eða hvers vegna.

Frá vettvangi. mynd/haraldur ari
Ökumaður bílsins var handtekinn. mynd/haraldur ari


Fleiri fréttir

Sjá meira