Körfubolti

Horft framhjá LeBron

Ingvi Þór Sæmundsson skrifar
James hefur fjórum sinnum verið valinn verðmætasti leikmaður NBA-deildarinnar.
James hefur fjórum sinnum verið valinn verðmætasti leikmaður NBA-deildarinnar. vísir/getty
LeBron James var ekki í hópi þriggja efstu í kjörinu á verðmætasta leikmanni NBA-deildarinnar í körfubolta í vetur.

James, sem hefur fjórum sinnum verið valinn verðmætasti leikmaður NBA á ferlinum, hefur átt frábært tímabil. Í deildakeppninni var James með 26,4 stig, 8,6 fráköst og 8,7 stoðsendingar að meðaltali í leik. Hann hefur aldrei tekið jafn mörg fráköst og gefið jafn margar stoðsendingar að meðaltali í leik á ferlinum.

James lét reiði sína bitna á Boston Celtics í nótt en hann skoraði 30 stig á 33 mínútum í stórsigri Cleveland Cavaliers, 86-130, í öðrum leik liðanna í úrslitum Austurdeildarinnar.

Russell Westbrook, James Harden og Kawhi Leonard voru efstir í kjörinu á verðmætasta leikmanni deildarinnar. Það kemur í ljós 26. júní næstkomandi hver hreppir hnossið.

Leonard var einnig í hópi þriggja efstu í kjörinu á varnarmanni ársins ásamt Draymond Green og Rudy Gobert. Leonard hefur unnið þessi verðlaun undanfarin tvö ár.

Gobert, sem hefur átt frábært tímabil með Utah Jazz, var einnig meðal þriggja efstu í kjörinu á framfarakóngi ársins ásamt Nikola Jokic og Giannis Antetokounmpo. Næsta öruggt er að verðlaunin falli þeim síðastnefnda í skaut.

Andre Iguodala, Eric Gordon og Lou Williams voru efstir í kjörinu á sjötta leikmanni ársins.

Tveir leikmenn Philadelphia 76ers, Joel Embiid og Dario Saric, eru á meðal þriggja efstu í kjörinu á nýliða ársins. Auk Embiids og Saric kemur Malcolm Brogdon, leikmaður Milwaukee Bucks, til greina.

Mike D'Antoni (Houston Rockets), Gregg Popovich (San Antonio Spurs) og Erik Spoelstra (Miami Heat) voru efstir í kjörinu á þjálfara ársins.

Fyrrum samherjarnir, James Harden og Russell Westbrook, voru meðal þriggja efstu manna í kjörinu á verðmætasta leikmanni ársins.vísir/getty
Efstu menn í verðlaunaflokkunum:

Verðmætasti leikmaður ársins:

Russell Westbrook (Oklahoma City Thunder)

James Harden (Houston Rockets)

Kawhi Leonard (San Antonio Spurs)

Varnarmaður ársins:

Kawhi Leonard (San Antonio)

Draymond Green (Golden State Warriors)

Rudy Gobert (Utah Jazz)

Framfarakóngur ársins:

Rudy Gobert (Utah)

Giannis Antetokounmpo (Milwaukee Bucks)

Nikola Jokic (Denver Nuggets)

Sjötti leikmaður ársins:

Andre Igoudala (Golden State)

Eric Gordon (Houston)

Lou Williams (Houston)

Nýliði ársins:

Joel Embiid (Philadelphia 76ers)

Dario Saric (Philadelphia)

Malcolm Brogdon (Milwaukee)

Þjálfari ársins:

Mike D'Antoni (Houston)

Gregg Popovich (San Antonio)

Erik Spoelstra (Miami Het)

NBA

Tengdar fréttir

Meistararnir niðurlægðu Boston | Myndbönd

Cleveland Cavaliers niðurlægði Boston Celtics á þeirra eigin heimavelli í öðrum leik liðanna í úrslitum Austurdeildar NBA í nótt. Lokatölur 86-130, Cleveland í vil.




Fleiri fréttir

Sjá meira


×