Körfubolti

Thomas úr leik

Ingvi Þór Sæmundsson skrifar
Besta tímabili Isiah Thomas á ferlinum er lokið.
Besta tímabili Isiah Thomas á ferlinum er lokið. vísir/getty
Boston Celtics varð fyrir miklu áfalli í dag þegar greint var frá því að Isiah Thomas muni ekki spila meira með liðinu á tímabilinu.

Thomas hefur glímt við meiðsli í mjöðm frá miðjum mars og þau hafa ágerst mjög í síðustu leikjum Boston.

Thomas lék fyrri hálfleikinn í stórtapi Boston fyrir Cleveland Cavaliers í öðrum leik liðanna í úrslitum Austurdeildar NBA í nótt. Thomas skoraði aðeins tvö stig í fyrri hálfleiknum og kom ekkert við sögu í þeim seinni vegna meiðslanna.

Boston er 2-0 undir í einvíginu gegn Cleveland og allt stefnir í að liðið sé á leið í sumarfrí í næstu viku.

Hinn 28 ára gamli Thomas átti sitt besta tímabil á ferlinum í vetur. Thomas skoraði 28,9 stig og gaf 5,9 stoðsendingar að meðaltali í leik og var þriðji stigahæsti leikmaður deildarinnar.

Í úrslitakeppninni var Thomas 23,3 stig og 6,7 stoðsendingar að meðaltali í leik.

NBA

Tengdar fréttir

Meistararnir niðurlægðu Boston | Myndbönd

Cleveland Cavaliers niðurlægði Boston Celtics á þeirra eigin heimavelli í öðrum leik liðanna í úrslitum Austurdeildar NBA í nótt. Lokatölur 86-130, Cleveland í vil.




Fleiri fréttir

Sjá meira


×