Fótbolti

Celtic lék eftir afrek Arsenal og tapaði ekki leik

Kolo Touré kann að fara taplaus í gegnum tímabil.
Kolo Touré kann að fara taplaus í gegnum tímabil. vísir/getty
Celtic undir stjórn Brendan Rodgers var löngu búið að tryggja sér skoska meistaratitilinn fyrir lokaumferðina í dag en skoska stórveldinu tókst með sigri að fara í gegnum heilt tímabil án þess að tapa leik.

Var þetta fyrsta tímabil Brendan Rodgers sem knattspyrnustjóri Celtic eftir að hafa verið sagt upp störfum úr sömu stöðu hjá Liverpool um síðasta haust.

Fór svo að Celtic fagnaði sjötta meistaratitlinum í röð og það með þrjátíu stiga forskoti en það stöðvaði ekki leikmenn Celtic sem héldu áfram án þess að slaka á en Celtic vann 34 leiki af 38 og gerði þrjú jafntefli. Skilaði það liðinu 106 stigi.

Eftir að sigur liðsins á Hearts var kominn í hús varð það ljóst að Celtic myndi fara ósigrað í gegnum skosku úrvalsdeildina en það gerðist síðast á 19. öld í skoskum fótbolta þegar aðeins voru leiknir átján leikir.

Var þetta því í annað skiptið á ferlinum sem gamla brýnið Kolo Toure leikur heilt tímabil án þess að tapa leik en hann var einnig í liði Arsenal sem fór taplaust í gegnum tímabili 2003-2004.




Fleiri fréttir

Sjá meira


×