Sjáðu þrennu Kane og öll hin mörkin úr lokaumferð enska boltans | Myndbönd

Ensku úrvalsdeildinni lauk í gær þegar 38. umferðin fór fram en í henni voru skoruð 37 mörk eða 3,7 mörk að meðaltali í leik.

Chelsea var orðið meistari fyrir umferðina en hélt upp á áfangann með 5-1 sigri á Sunderland. Flest stóru liðin skoruðu mikið í lokaumferðinni.

Harry Kane geirnegldi markakóngstitilinn með þrennur í 7-1 rústi á Hull og Manchester City vann 5-0 sigur á Watford. Þá skoraði Liverpool þrjú á Middlesbrough og kom sér í Meistaradeildina.

Josh Harrop, 21 árs gamall miðjumaður Manchester United, skoraði í frumraun sinni fyrir félagið þegar United vann 2-0 sigur á Crystal Palace í lokaumferðinni og Swansea kvaddi tímabilið með sigri.

Öll mörkin úr lokaumferðinni má sjá hér að neðan.

Arsenal 3 - 1 Everton

Manchester Utd 2 - 0 Crystal Palace

Chelsea 5 - 1 Sunderland

Liverpool 3 - 0 Middlesbrough

Hull 1 - 7 Tottenham

Watford 0 - 5 Manchester City

Swansea 2 - 1 West Brom

Burnley 1 - 2 West Ham