Tveggja ára fangelsi fyrir nauðgun á Þjóðhátíð í Eyjum Sunna Kristín Hilmarsdóttir skrifar 24. maí 2017 12:59 Frá þjóðhátíð í Vestmannaeyjum árið 2015. Vísir/Vilhelm Meirihluti fjölskipaðs Héraðsdóms Reykjaness hefur dæmt pilt í tveggja ára fangelsi fyrir að nauðga stúlku, sem er fyrrverandi kærasta hans, í tjaldi á Þjóðhátíð í Vestmannaeyjum sumarið 2015. Þá var hann jafnframt dæmdur til þess að greiða stúlkunni miskabætur að upphæð 1,5 milljónir króna. Ekki kemur fram í dómnum hvað stúlkan er gömul en þó verður ráðið af honum að hún hafi verið undir lögaldri. Þá voru hún og pilturinn á svipuðum aldri samkvæmt upplýsingum Vísis og var ungur aldur hans metinn honum til refsilækkunar.Allt í góðu til að byrja með Þegar brotið átti sér stað var um mánuður síðan að stúlkan hætti með piltinum eftir sjö mánaða samband en umrætt kvöld ætluðu þau að hittast til að sofa saman. Þau hittust við matartjaldið í Herjólfsdal og fóru svo saman í tjald piltsins. Samkvæmt framburði stúlkunnar fyrir dómi byrjuðu þau að kyssast og þá hafi allt verið í góðu. Kynlífið hafi byrjað eðlilega en í ákæru er broti piltsins lýst á þann veg að hann hafi, eftir að hann og stúlkan hófu samfarir með vilja beggja, beitt stúlkuna „ofbeldi og ólögmætri nauðung við samfarirnar, slegið hana ítrekað í andlitið, sett fingur í endaþarm hennar og ekki látið strax af háttseminni þó hún hafi beðið hann um það og reynt að færa höndina til [...].“ Þá var hann einnig ákærður fyrir að taka um háls stúlkunnar og þrengja að, klípa hana fast í brjóstin og bíta hana í vörina en pilturinn hélt samförunum áfram á meðan á þessu öllu stóð. Hlaut stúlkan af þessu margvíslega áverka, meðal annars mar á hálsi, sprungu við endaþarmsop og mar á báðum brjóstum.Krafðist frávísunar Pilturinn neitaði sök og krafðist frávísunar málsins fyrir dómi. Byggði frávísunarkrafan á því að í gögnum málsins lægju fyrir yfirlýsingar bæði af hálfu hans og stúlkunnar um að háttsemin, sem lýst væri í ákæru, félli að öllu leyti undir venjubundið kynlíf þeirra. „Því verði að líta svo á að ákæran byggist á því að í umrætt sinn hafi háttsemi ákærða farið út fyrir þau mörk sem hafi verið viðurkennd í samlífi þeirra. Engin tilraun sé þó gerð í ákæru, né rannsóknargögnum, til að útskýra hvar þessi mörk liggi, það er hvenær samræðið hafi breyst úr því að vera kynmök með samþykki beggja yfir í það að háttsemi ákærða varðaði við 194. gr. almennra hegningarlaga,“ segir í dómi héraðsdóms með vísan til greinargerðar piltsins fyrir dómi. Þá gerði pilturinn einnig athugasemd við rannsókn lögreglu og taldi að hún hefði öll gengið út á að reyna að sýna fram á sekt hans en dómurinn taldi hvorki vera annmarka á rannsókn málsins né ákæru sem leitt gætu sjálfkrafa til frávísunar.Kallaði stúlkuna hóru og druslu Dómurinn mat það jafnframt svo að fullyrðing piltsins um að kynlífið í tjaldinu hafi verið í samræmi við kynlíf sem hann og stúlkan hafi áður stundað væri ekki studd með gögnum málsins eða framburði vitna. „Ákærði hefur í raun sjálfur lýst því að kynlíf þeirra hafi verið annað en áður og ofbeldisfullt, en hann hefur viðurkennt að hafa kallað brotaþola hóru og druslu, sem hann hafi ekki gert áður, slegið hana fastar en hann ætlaði sér og verið harðhentur. Þá viðurkenndi ákærði hjá lögreglu að þegar brotaþoli sagði honum að hætta að setja fingur í endaþarm hennar hafi hann ekki hætt strax,“ segir í dómi héraðsdóms en framburður hans fyrir dómi var nokkuð frábrugðinn því sem hann bar hjá lögreglu. Þannig hafi hann dregið úr þeim framburði sínum að hann hafi slegið stúlkuna of fast og ekki lengur talið að hún hafi farið út úr grátandi vegna þess og þess að hann hafi kallað hana illum nöfnum heldur aðeins vegna þess síðarnefnda. Sagði hann fyrir dómi að orðbragðið hafi verið það eina sem hafi gengið of langt hjá honum í umrætt sinn.Einn dómari ósammála Samræmi var hins vegar í framburði stúlkunnar hjá lögreglu og fyrir dómi. Þá var hún með fjölmarga áverka sem studdu frásögn hennar auk þess sem fjölmörg vitni sem hittu hana eða ræddu við hana í kjölfar þess að brotið var á henni umrædda nótt lýstu því að hún hefði verið í mikilli geðshræringu. Þá liggur fyrir að miklar breytingar urðu á stúlkunni í kjölfar atviksins og flosnaði hún til að mynda upp úr skóla. Var pilturinn því sakfelldur fyrir nauðgun af meirihluta fjölskipaðs héraðsdóms en einn dómaranna taldi að sýkna ætti piltinn af nauðgun: „Bogi Hjálmtýsson héraðsdómari telur sannað að ákærði hafi viðhaft þá háttsemi sem í ákæru greinir og að sú háttsemi sé ofbeldi og hlutlægt séð nauðgun. Við saknæmismat um ásetning ákærða verði að líta til þeirra upplýsinga sem liggi fyrir í málinu um hvernig kynferðislegu sambandi aðila var háttað og að í umrætt sinn hafi ákærði haft réttmæta ástæðu til að ætla að brotaþoli hafi verið samþykk samförum við hann. Með hliðsjón af því verði ekki séð að ásetningur ákærða hafi náð til þess að nota hinar ólögmætu verknaðaraðferðir til þess að ná fram kynmökunum, og því beri að sýkna ákærða af nauðgun,“ segir í dómnum sem kveðinn var upp í lok apríl. Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Leikskólakennarar ósáttir við vettlingagjörning Innlent Leiðin í vinnuna smám saman þrefaldast: „Þetta er eins og í einhverri bíómynd“ Innlent Ekki ólöglegt fyrir konur að brjóta gegn körlum Erlent Vitni greinir frá ráðabruggi og lögmaður Trump fær viðvörun Erlent Fannst hennar tími vera kominn Innlent Mikill reykur þegar kviknaði í byggingarplasti Innlent Steinunn Ólína skýtur föstum skotum á Katrínu Innlent Miðflokkurinn staðfestir sig sem þriðji stærsti flokkurinn Innlent Grunuð um að hafa banað tveimur börnum Erlent Eitruð blanda þegar spilling og skipulagsmál fara saman Innlent Fleiri fréttir Reykur við bandaríska sendiráðið Leikskólakennarar ósáttir við vettlingagjörning Alþjóðasamvinna á krossgötum: Hvert stefnir Ísland? Þátttaka nemenda í „verkföllum“ skráð sem „óheimil fjarvist“ Eitruð blanda þegar spilling og skipulagsmál fara saman Ofbeldisbrotum fjölgar á sama tíma og lögreglumönnum fækkar Landeigendur höfða mál gegn ríkinu vegna Hvammsvirkjunar Fannst hennar tími vera kominn Sakar ríkisstjórnina um að ætla að afhenda fiskeldinu firðina til eilífðar Miðflokkurinn staðfestir sig sem þriðji stærsti flokkurinn Leiðin í vinnuna smám saman þrefaldast: „Þetta er eins og í einhverri bíómynd“ Ákærð fyrir að hafa orðið syni sínum að bana Stórfjölgun ofbeldisbrota, firðir í hættu og hönnunarstuldur „Við næðum eflaust meiri árangri ef borgarstjóri myndi væla minna“ Össur segir Jóni Gnarr að „hætta að væla“ Staðfesta gæsluvarðhald tveggja sakborninga Óbreytt frumvarp þýði útrýmingu villta laxins Fluttur á sjúkrahús eftir að ekið var á Útlendingastofnun Húsfélagið má ekki klippa á tengil rafvirkjameistara Sjálfstæðisflokkurinn kvelji barnafólk með vettlingagjörningi Enn kröftugt gos úr einum gíg Börn sofi ekki úti í gosmóðunni suðvestanlands Velkomin í Verbúðina II Halla Hrund fjórfaldar fylgi sitt á milli kannanna Ákærðir fyrir þaulskipulagða skotárás gegn feðginum á aðfangadag Sextán hundruð vettlingar fyrir börnin sem bíða Verkefnið skapi níutíu störf og meðallaunin verði um 1,4 milljón á mánuði Aðstoðarrektor í Bandaríkjunum verður rektor Háskólans á Akureyri Bjarni vill taka daginn snemma Svona var Pallborðið með Höllu, Katrínu og Steinunni Ólínu Sjá meira
Meirihluti fjölskipaðs Héraðsdóms Reykjaness hefur dæmt pilt í tveggja ára fangelsi fyrir að nauðga stúlku, sem er fyrrverandi kærasta hans, í tjaldi á Þjóðhátíð í Vestmannaeyjum sumarið 2015. Þá var hann jafnframt dæmdur til þess að greiða stúlkunni miskabætur að upphæð 1,5 milljónir króna. Ekki kemur fram í dómnum hvað stúlkan er gömul en þó verður ráðið af honum að hún hafi verið undir lögaldri. Þá voru hún og pilturinn á svipuðum aldri samkvæmt upplýsingum Vísis og var ungur aldur hans metinn honum til refsilækkunar.Allt í góðu til að byrja með Þegar brotið átti sér stað var um mánuður síðan að stúlkan hætti með piltinum eftir sjö mánaða samband en umrætt kvöld ætluðu þau að hittast til að sofa saman. Þau hittust við matartjaldið í Herjólfsdal og fóru svo saman í tjald piltsins. Samkvæmt framburði stúlkunnar fyrir dómi byrjuðu þau að kyssast og þá hafi allt verið í góðu. Kynlífið hafi byrjað eðlilega en í ákæru er broti piltsins lýst á þann veg að hann hafi, eftir að hann og stúlkan hófu samfarir með vilja beggja, beitt stúlkuna „ofbeldi og ólögmætri nauðung við samfarirnar, slegið hana ítrekað í andlitið, sett fingur í endaþarm hennar og ekki látið strax af háttseminni þó hún hafi beðið hann um það og reynt að færa höndina til [...].“ Þá var hann einnig ákærður fyrir að taka um háls stúlkunnar og þrengja að, klípa hana fast í brjóstin og bíta hana í vörina en pilturinn hélt samförunum áfram á meðan á þessu öllu stóð. Hlaut stúlkan af þessu margvíslega áverka, meðal annars mar á hálsi, sprungu við endaþarmsop og mar á báðum brjóstum.Krafðist frávísunar Pilturinn neitaði sök og krafðist frávísunar málsins fyrir dómi. Byggði frávísunarkrafan á því að í gögnum málsins lægju fyrir yfirlýsingar bæði af hálfu hans og stúlkunnar um að háttsemin, sem lýst væri í ákæru, félli að öllu leyti undir venjubundið kynlíf þeirra. „Því verði að líta svo á að ákæran byggist á því að í umrætt sinn hafi háttsemi ákærða farið út fyrir þau mörk sem hafi verið viðurkennd í samlífi þeirra. Engin tilraun sé þó gerð í ákæru, né rannsóknargögnum, til að útskýra hvar þessi mörk liggi, það er hvenær samræðið hafi breyst úr því að vera kynmök með samþykki beggja yfir í það að háttsemi ákærða varðaði við 194. gr. almennra hegningarlaga,“ segir í dómi héraðsdóms með vísan til greinargerðar piltsins fyrir dómi. Þá gerði pilturinn einnig athugasemd við rannsókn lögreglu og taldi að hún hefði öll gengið út á að reyna að sýna fram á sekt hans en dómurinn taldi hvorki vera annmarka á rannsókn málsins né ákæru sem leitt gætu sjálfkrafa til frávísunar.Kallaði stúlkuna hóru og druslu Dómurinn mat það jafnframt svo að fullyrðing piltsins um að kynlífið í tjaldinu hafi verið í samræmi við kynlíf sem hann og stúlkan hafi áður stundað væri ekki studd með gögnum málsins eða framburði vitna. „Ákærði hefur í raun sjálfur lýst því að kynlíf þeirra hafi verið annað en áður og ofbeldisfullt, en hann hefur viðurkennt að hafa kallað brotaþola hóru og druslu, sem hann hafi ekki gert áður, slegið hana fastar en hann ætlaði sér og verið harðhentur. Þá viðurkenndi ákærði hjá lögreglu að þegar brotaþoli sagði honum að hætta að setja fingur í endaþarm hennar hafi hann ekki hætt strax,“ segir í dómi héraðsdóms en framburður hans fyrir dómi var nokkuð frábrugðinn því sem hann bar hjá lögreglu. Þannig hafi hann dregið úr þeim framburði sínum að hann hafi slegið stúlkuna of fast og ekki lengur talið að hún hafi farið út úr grátandi vegna þess og þess að hann hafi kallað hana illum nöfnum heldur aðeins vegna þess síðarnefnda. Sagði hann fyrir dómi að orðbragðið hafi verið það eina sem hafi gengið of langt hjá honum í umrætt sinn.Einn dómari ósammála Samræmi var hins vegar í framburði stúlkunnar hjá lögreglu og fyrir dómi. Þá var hún með fjölmarga áverka sem studdu frásögn hennar auk þess sem fjölmörg vitni sem hittu hana eða ræddu við hana í kjölfar þess að brotið var á henni umrædda nótt lýstu því að hún hefði verið í mikilli geðshræringu. Þá liggur fyrir að miklar breytingar urðu á stúlkunni í kjölfar atviksins og flosnaði hún til að mynda upp úr skóla. Var pilturinn því sakfelldur fyrir nauðgun af meirihluta fjölskipaðs héraðsdóms en einn dómaranna taldi að sýkna ætti piltinn af nauðgun: „Bogi Hjálmtýsson héraðsdómari telur sannað að ákærði hafi viðhaft þá háttsemi sem í ákæru greinir og að sú háttsemi sé ofbeldi og hlutlægt séð nauðgun. Við saknæmismat um ásetning ákærða verði að líta til þeirra upplýsinga sem liggi fyrir í málinu um hvernig kynferðislegu sambandi aðila var háttað og að í umrætt sinn hafi ákærði haft réttmæta ástæðu til að ætla að brotaþoli hafi verið samþykk samförum við hann. Með hliðsjón af því verði ekki séð að ásetningur ákærða hafi náð til þess að nota hinar ólögmætu verknaðaraðferðir til þess að ná fram kynmökunum, og því beri að sýkna ákærða af nauðgun,“ segir í dómnum sem kveðinn var upp í lok apríl.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Leikskólakennarar ósáttir við vettlingagjörning Innlent Leiðin í vinnuna smám saman þrefaldast: „Þetta er eins og í einhverri bíómynd“ Innlent Ekki ólöglegt fyrir konur að brjóta gegn körlum Erlent Vitni greinir frá ráðabruggi og lögmaður Trump fær viðvörun Erlent Fannst hennar tími vera kominn Innlent Mikill reykur þegar kviknaði í byggingarplasti Innlent Steinunn Ólína skýtur föstum skotum á Katrínu Innlent Miðflokkurinn staðfestir sig sem þriðji stærsti flokkurinn Innlent Grunuð um að hafa banað tveimur börnum Erlent Eitruð blanda þegar spilling og skipulagsmál fara saman Innlent Fleiri fréttir Reykur við bandaríska sendiráðið Leikskólakennarar ósáttir við vettlingagjörning Alþjóðasamvinna á krossgötum: Hvert stefnir Ísland? Þátttaka nemenda í „verkföllum“ skráð sem „óheimil fjarvist“ Eitruð blanda þegar spilling og skipulagsmál fara saman Ofbeldisbrotum fjölgar á sama tíma og lögreglumönnum fækkar Landeigendur höfða mál gegn ríkinu vegna Hvammsvirkjunar Fannst hennar tími vera kominn Sakar ríkisstjórnina um að ætla að afhenda fiskeldinu firðina til eilífðar Miðflokkurinn staðfestir sig sem þriðji stærsti flokkurinn Leiðin í vinnuna smám saman þrefaldast: „Þetta er eins og í einhverri bíómynd“ Ákærð fyrir að hafa orðið syni sínum að bana Stórfjölgun ofbeldisbrota, firðir í hættu og hönnunarstuldur „Við næðum eflaust meiri árangri ef borgarstjóri myndi væla minna“ Össur segir Jóni Gnarr að „hætta að væla“ Staðfesta gæsluvarðhald tveggja sakborninga Óbreytt frumvarp þýði útrýmingu villta laxins Fluttur á sjúkrahús eftir að ekið var á Útlendingastofnun Húsfélagið má ekki klippa á tengil rafvirkjameistara Sjálfstæðisflokkurinn kvelji barnafólk með vettlingagjörningi Enn kröftugt gos úr einum gíg Börn sofi ekki úti í gosmóðunni suðvestanlands Velkomin í Verbúðina II Halla Hrund fjórfaldar fylgi sitt á milli kannanna Ákærðir fyrir þaulskipulagða skotárás gegn feðginum á aðfangadag Sextán hundruð vettlingar fyrir börnin sem bíða Verkefnið skapi níutíu störf og meðallaunin verði um 1,4 milljón á mánuði Aðstoðarrektor í Bandaríkjunum verður rektor Háskólans á Akureyri Bjarni vill taka daginn snemma Svona var Pallborðið með Höllu, Katrínu og Steinunni Ólínu Sjá meira