Einkafjárfestar og sjóðir stærstir í VÍS Hörður Ægisson skrifar 25. maí 2017 07:00 Í hópi stærstu hluthafa VÍS eru einkafjárfestar og hlutabréfasjóðir umsvifameiri en lífeyrissjóðir. vísir/anton brink Samanlagður eignarhlutur einkafjárfesta og hlutabréfasjóða í VÍS, þegar aðeins er litið til þeirra hluthafa sem eiga eitt prósent eða meira í tryggingafélaginu, er um 38 prósent á meðan lífeyrissjóðir eiga samtals um 35 prósenta hlut. Á sama tíma og sumir lífeyrissjóðir hafa upp á síðkastið verið að minnka eignarhlut sinn í félaginu, fyrst og fremst Gildi, þá hafa einkafjárfestar og erlendir hlutabréfasjóðir gert sig meira gildandi innan hluthafahópsins. Á meðal einkafjárfesta sem hafa nýlega bæst í hluthafahóp VÍS er Sigurður Sigurgeirsson, fyrrverandi byggingaverktaki í Kópavogi, en hann á 1,2 prósenta hlut í VÍS í gegnum félagið NH fjárfestingu, samkvæmt lista yfir alla hluthafa tryggingafélagsins síðastliðinn mánudag, sem Fréttablaðið hefur séð. Það gerir hann að 21. stærsta hluthafa VÍS og miðað við núverandi gengi bréfa félagsins er sá hlutur metinn á rúmlega 310 milljónir. Samkvæmt heimildum Fréttablaðsins eignaðist Sigurður hlutinn fyrr í þessum mánuði. Það er hins vegar innkoma erlendra hlutabréfasjóða sem hefur sett hvað mest mark sitt á hluthafahóp VÍS á undanförnum mánuðum. Samkvæmt nýjasta hluthafalista VÍS eiga sjö erlendir sjóðir, sem eru á vegum þriggja eignastýringarfyrirtækja, samanlagt um 6,2 prósenta hlut í tryggingafélaginu. Þar munar mestu um sjóði í stýringu Eaton Vance og Miton Group, sem hafa verið umsvifamiklir í fjárfestingum í mörgum skráðum félögum í Kauphöllinni á síðustu mánuðum og misserum, en auk þess á sjóður á vegum Pacific Life Fund 0,65 prósenta hlut í VÍS. Enginn þessara sjóða var á hluthafalista VÍS í árslok 2016. Samanlagt markaðsvirði þess hlutar sem er í eigu erlendra hlutabréfasjóða er um 1.600 milljónir.Selja vegna stjórnarhátta Miklar deilur hafa staðið yfir innan stjórnar og hluthafahóps VÍS í kjölfar þess að Svanhildur Nanna Vigfúsdóttir felldi Herdísi Fjeldsted úr stóli stjórnarformanns eftir aðalfund VÍS í mars síðastliðnum. Þau átök hafa öðrum þræði snúist um ólíkar áherslur annars vegar fulltrúa lífeyrissjóðanna og hins vegar helstu einkafjárfesta félagsins. Tveimur vikum eftir aðalfund sagði Herdís, sem var studd af Lífeyrissjóði verslunarmanna, sig úr stjórn félagsins. Í kjölfarið lét hún hafa það eftir sér að sú ákvörðun hefði verið vegna ágreinings um vinnubrögð og stjórnarhætti og sagði að nýr stjórnarformaður hefði viljað að stjórnin myndi hafa aukna aðkomu að einstökum fjárfestingum félagsins. Svanhildur hefur sagt þær ásakanir „rakalausar“. Brotthvarf Herdísar hefur haft eftirmála en Gildi lífeyrissjóður, sem var þangað til fyrir skemmstu einn af stærstu hluthöfum VÍS, hefur að undanförnu minnkað hlut sinn í félaginu úr 7,1 prósenti í 2,7 prósent og hefur framkvæmdastjóri sjóðsins sagt að það hafi verið gert vegna þess að honum „hugnaðist ekki stjórnarhættir sem höfðu viðgengist í VÍS“. Á meðal þeirra sem hafa keypt hluti af Gildi er Arion banki en þegar listi yfir 20 stærstu hluthafa VÍS var birtur í lok síðustu viku var bankinn þar skráður með 2,45 prósenta hlut. Á síðustu vikum hafa fjárfestar, sem samanstanda einkum af einkafjárfestum, falast eftir því að kaupa stóran hluta af bréfum Lífeyrissjóðs verslunarmanna í VÍS en sjóðurinn er stærsti einstaki hluthafi félagsins með 9,7 prósenta hlut. Þannig greindi Vísir frá því síðastliðinn fimmtudag að lífeyrissjóðurinn hefði fengið kauptilboð í 100 milljónir hluta í eigu sjóðsins, eða sem jafngildir 4,3 prósenta hlut í VÍS, en því var hins vegar hafnað. Guðrún Hafsteinsdóttir, stjórnarformaður sjóðsins, lét hafa það eftir sér í ViðskiptaMogganum fyrr í þessum mánuði að það væri „engin launung á því að við höfum verið hugsi yfir stöðu mála í VÍS“ og vísaði þá til ummæla Herdísar Fjeldsted, fyrrverandi stjórnarformanns, um óeðlilega stjórnarhætti innan félagsins.Hafa notið stuðnings StefnisStærstu einkafjárfestarnir í VÍS eru hjónin Svanhildur og Guðmundur Örn Þórðarson, Sigurður Bollason og fjárfestingatfélagið Óskabein. Þessi hópur, sem náði að tryggja sér meirihluta í stjórn eftir síðasta aðalfund, á um 22 prósenta hlut í VÍS en hann hefur einnig meðal annars notið stuðnings sjóðastýringarfyrirtækisins Stefnis en sjóðir þess eiga tæplega sex prósent í VÍS. Rétt er að geta þess að sumir einkafjárfestar í VÍS eiga talsverða hlutafjáreign í gegnum safnreikning Virðingar sem er skráð með 6,9 prósenta hlut í félaginu. Birtist í Fréttablaðinu Mest lesið Þrjú atriði til að auka á sjálfsöryggið okkar í vinnunni Atvinnulíf Enn ekkert að frétta af félagi sem þúsundir Íslendinga eiga kröfu á Neytendur Framkvæmdastjóri Jafnréttisstofu til Visku Viðskipti innlent Tók fimm mánuði að byrja að tala íslensku Atvinnulíf Fasteignamarkaðurinn hitnar en framkvæmdum fækkar Viðskipti innlent Þau vilja stýra Framkvæmdasýslunni – Ríkiseignum Viðskipti innlent FÍB vill að Neytendastofa grípi til aðgerða vegna ófremdarástands í bílastæðamálum Neytendur Finnur þægilegu heimatilfinninguna þegar hann lendir í Keflavík Atvinnulíf Segir frumvarp um húsaleigulög geta leitt til hærra leiguverðs Viðskipti innlent Fljúga til Wales í haust í tengslum við landsleikina Viðskipti innlent Fleiri fréttir Hafa náð nýjum sölusamningi í Bandaríkjunum Framkvæmdastjóri Jafnréttisstofu til Visku Bein útsending: Hrein tækifæri í orkumálum Fljúga til Wales í haust í tengslum við landsleikina Þau vilja stýra Framkvæmdasýslunni – Ríkiseignum Edda og Helgi bætast í hóp eigenda Expectus Segir frumvarp um húsaleigulög geta leitt til hærra leiguverðs Tekur við stöðu rekstrarstjóra Stöðvar 2 Fasteignamarkaðurinn hitnar en framkvæmdum fækkar Eyjólfur vill halda formennsku áfram Tekur við stöðu forstjóra Securitas Magni kaupmaður látinn 88 ára að aldri Bankaráðið sakar bankasýsluna um aðdróttanir Guðbjörg orðin pítsudrottning Ritskoðaður bjór fær blessun ÁTVR Annað markaðsleyfi í höfn í Bandaríkjunum Spánski verður Daisy Lilja leiðir nýja markaðs- og sjálfbærnideild Sýnar Byggingaframkvæmdir óralangt frá settum markmiðum Taka við stjórnendastöðum hjá Advania Benedikt tekur við af Andrési hjá SVÞ Tveir stjórnarmenn og forstjóri lögðu til milljarð Loftleiðir með þrjár þotur í lúxusflugi fyrir ríka fólkið Viðræður vegna kaupa á Lyfju að hefjast Dómari þarf ekki að víkja vegna fjölskyldutengsla í máli feðga Skorti heildarmynd í Landsbankamálinu Innkalla kjúkling vegna gruns um salmonellu Markaðstorg með raforku spretta upp KEA nú stærsti hluthafinn í Norlandair Fjögurra stjörnu hótel opni við Skógarböðin Sjá meira
Samanlagður eignarhlutur einkafjárfesta og hlutabréfasjóða í VÍS, þegar aðeins er litið til þeirra hluthafa sem eiga eitt prósent eða meira í tryggingafélaginu, er um 38 prósent á meðan lífeyrissjóðir eiga samtals um 35 prósenta hlut. Á sama tíma og sumir lífeyrissjóðir hafa upp á síðkastið verið að minnka eignarhlut sinn í félaginu, fyrst og fremst Gildi, þá hafa einkafjárfestar og erlendir hlutabréfasjóðir gert sig meira gildandi innan hluthafahópsins. Á meðal einkafjárfesta sem hafa nýlega bæst í hluthafahóp VÍS er Sigurður Sigurgeirsson, fyrrverandi byggingaverktaki í Kópavogi, en hann á 1,2 prósenta hlut í VÍS í gegnum félagið NH fjárfestingu, samkvæmt lista yfir alla hluthafa tryggingafélagsins síðastliðinn mánudag, sem Fréttablaðið hefur séð. Það gerir hann að 21. stærsta hluthafa VÍS og miðað við núverandi gengi bréfa félagsins er sá hlutur metinn á rúmlega 310 milljónir. Samkvæmt heimildum Fréttablaðsins eignaðist Sigurður hlutinn fyrr í þessum mánuði. Það er hins vegar innkoma erlendra hlutabréfasjóða sem hefur sett hvað mest mark sitt á hluthafahóp VÍS á undanförnum mánuðum. Samkvæmt nýjasta hluthafalista VÍS eiga sjö erlendir sjóðir, sem eru á vegum þriggja eignastýringarfyrirtækja, samanlagt um 6,2 prósenta hlut í tryggingafélaginu. Þar munar mestu um sjóði í stýringu Eaton Vance og Miton Group, sem hafa verið umsvifamiklir í fjárfestingum í mörgum skráðum félögum í Kauphöllinni á síðustu mánuðum og misserum, en auk þess á sjóður á vegum Pacific Life Fund 0,65 prósenta hlut í VÍS. Enginn þessara sjóða var á hluthafalista VÍS í árslok 2016. Samanlagt markaðsvirði þess hlutar sem er í eigu erlendra hlutabréfasjóða er um 1.600 milljónir.Selja vegna stjórnarhátta Miklar deilur hafa staðið yfir innan stjórnar og hluthafahóps VÍS í kjölfar þess að Svanhildur Nanna Vigfúsdóttir felldi Herdísi Fjeldsted úr stóli stjórnarformanns eftir aðalfund VÍS í mars síðastliðnum. Þau átök hafa öðrum þræði snúist um ólíkar áherslur annars vegar fulltrúa lífeyrissjóðanna og hins vegar helstu einkafjárfesta félagsins. Tveimur vikum eftir aðalfund sagði Herdís, sem var studd af Lífeyrissjóði verslunarmanna, sig úr stjórn félagsins. Í kjölfarið lét hún hafa það eftir sér að sú ákvörðun hefði verið vegna ágreinings um vinnubrögð og stjórnarhætti og sagði að nýr stjórnarformaður hefði viljað að stjórnin myndi hafa aukna aðkomu að einstökum fjárfestingum félagsins. Svanhildur hefur sagt þær ásakanir „rakalausar“. Brotthvarf Herdísar hefur haft eftirmála en Gildi lífeyrissjóður, sem var þangað til fyrir skemmstu einn af stærstu hluthöfum VÍS, hefur að undanförnu minnkað hlut sinn í félaginu úr 7,1 prósenti í 2,7 prósent og hefur framkvæmdastjóri sjóðsins sagt að það hafi verið gert vegna þess að honum „hugnaðist ekki stjórnarhættir sem höfðu viðgengist í VÍS“. Á meðal þeirra sem hafa keypt hluti af Gildi er Arion banki en þegar listi yfir 20 stærstu hluthafa VÍS var birtur í lok síðustu viku var bankinn þar skráður með 2,45 prósenta hlut. Á síðustu vikum hafa fjárfestar, sem samanstanda einkum af einkafjárfestum, falast eftir því að kaupa stóran hluta af bréfum Lífeyrissjóðs verslunarmanna í VÍS en sjóðurinn er stærsti einstaki hluthafi félagsins með 9,7 prósenta hlut. Þannig greindi Vísir frá því síðastliðinn fimmtudag að lífeyrissjóðurinn hefði fengið kauptilboð í 100 milljónir hluta í eigu sjóðsins, eða sem jafngildir 4,3 prósenta hlut í VÍS, en því var hins vegar hafnað. Guðrún Hafsteinsdóttir, stjórnarformaður sjóðsins, lét hafa það eftir sér í ViðskiptaMogganum fyrr í þessum mánuði að það væri „engin launung á því að við höfum verið hugsi yfir stöðu mála í VÍS“ og vísaði þá til ummæla Herdísar Fjeldsted, fyrrverandi stjórnarformanns, um óeðlilega stjórnarhætti innan félagsins.Hafa notið stuðnings StefnisStærstu einkafjárfestarnir í VÍS eru hjónin Svanhildur og Guðmundur Örn Þórðarson, Sigurður Bollason og fjárfestingatfélagið Óskabein. Þessi hópur, sem náði að tryggja sér meirihluta í stjórn eftir síðasta aðalfund, á um 22 prósenta hlut í VÍS en hann hefur einnig meðal annars notið stuðnings sjóðastýringarfyrirtækisins Stefnis en sjóðir þess eiga tæplega sex prósent í VÍS. Rétt er að geta þess að sumir einkafjárfestar í VÍS eiga talsverða hlutafjáreign í gegnum safnreikning Virðingar sem er skráð með 6,9 prósenta hlut í félaginu.
Birtist í Fréttablaðinu Mest lesið Þrjú atriði til að auka á sjálfsöryggið okkar í vinnunni Atvinnulíf Enn ekkert að frétta af félagi sem þúsundir Íslendinga eiga kröfu á Neytendur Framkvæmdastjóri Jafnréttisstofu til Visku Viðskipti innlent Tók fimm mánuði að byrja að tala íslensku Atvinnulíf Fasteignamarkaðurinn hitnar en framkvæmdum fækkar Viðskipti innlent Þau vilja stýra Framkvæmdasýslunni – Ríkiseignum Viðskipti innlent FÍB vill að Neytendastofa grípi til aðgerða vegna ófremdarástands í bílastæðamálum Neytendur Finnur þægilegu heimatilfinninguna þegar hann lendir í Keflavík Atvinnulíf Segir frumvarp um húsaleigulög geta leitt til hærra leiguverðs Viðskipti innlent Fljúga til Wales í haust í tengslum við landsleikina Viðskipti innlent Fleiri fréttir Hafa náð nýjum sölusamningi í Bandaríkjunum Framkvæmdastjóri Jafnréttisstofu til Visku Bein útsending: Hrein tækifæri í orkumálum Fljúga til Wales í haust í tengslum við landsleikina Þau vilja stýra Framkvæmdasýslunni – Ríkiseignum Edda og Helgi bætast í hóp eigenda Expectus Segir frumvarp um húsaleigulög geta leitt til hærra leiguverðs Tekur við stöðu rekstrarstjóra Stöðvar 2 Fasteignamarkaðurinn hitnar en framkvæmdum fækkar Eyjólfur vill halda formennsku áfram Tekur við stöðu forstjóra Securitas Magni kaupmaður látinn 88 ára að aldri Bankaráðið sakar bankasýsluna um aðdróttanir Guðbjörg orðin pítsudrottning Ritskoðaður bjór fær blessun ÁTVR Annað markaðsleyfi í höfn í Bandaríkjunum Spánski verður Daisy Lilja leiðir nýja markaðs- og sjálfbærnideild Sýnar Byggingaframkvæmdir óralangt frá settum markmiðum Taka við stjórnendastöðum hjá Advania Benedikt tekur við af Andrési hjá SVÞ Tveir stjórnarmenn og forstjóri lögðu til milljarð Loftleiðir með þrjár þotur í lúxusflugi fyrir ríka fólkið Viðræður vegna kaupa á Lyfju að hefjast Dómari þarf ekki að víkja vegna fjölskyldutengsla í máli feðga Skorti heildarmynd í Landsbankamálinu Innkalla kjúkling vegna gruns um salmonellu Markaðstorg með raforku spretta upp KEA nú stærsti hluthafinn í Norlandair Fjögurra stjörnu hótel opni við Skógarböðin Sjá meira