Íslenska heilbrigðiskerfið metið það næst besta í heimi Ásgeir Erlendsson og Birgir Olgeirsson skrifa 25. maí 2017 21:57 Formaður læknafélags Reykjavíkur segir að niðurstöður nýrrar alþjóðlegrar skýrslu, þar sem íslenska heilbrigðiskerfið er metið það næst besta í heimi, bendi til þess að Íslendingar hafi talað heilbrigðiskerfið niður og gleymt því hvað það sé gott. Mikill árangur hafi náðst í fækkun dauðsfalla vegna kransæðasjúkdóma en betur megi standa að geðheilbrigðismálum. Rannsóknin var birt í vikunni í hinu virta læknatímariti The Lancet en í henni voru heilbrigðiskerfi 195 landa borin saman. Í rannsókninni var heilbrigðisvísitala landanna reiknuð út frá gæðum og aðgengi með tilliti til ótímabærra dauðsfalla þeirra sem eru 75 ára og yngri. Arna Guðmundsdóttir, formaður Læknafélags Reykjavíkur, hefur kynnt sér rannsóknina á undanförnum dögum. „Við búum við afar gott heilbrigðiskerfi á Íslandi og eftir því sem efnahagur okkar batnaði þá náðum við að halda heilbrigðiskerfinu á pari við það besta í heimi,“ segir Arna. Samkvæmt rannsókninni er Andorra með besta heilbrigðiskerfið en fast á hæla þess kemur Ísland með 94 stig af hundrað og Sviss í þriðja sæti. Þar á eftir koma Svíþjóð og Noregur en athygli vekur að Danmörk situr í 24. sæti og Bandaríki í því þrítugasta og fimmta.„Höfum talað kerfið okkar niður“ Erum við kannski búin að vera of dramatísk í þá átt að hér sé allt hræðilegt? „Já, það hefur lengi verið mín skoðun. Við höfum svolítið gleymt því hvað við búum við ofboðsleg gott og fjölbreytt kerfi. Við höfum gott aðgengi til dæmis að sérfræði læknum og það er sennilega stór faktor í þessu að aðgengi að góðri, topp læknaþjónustu, er mjög gott og við höfum talað kerfið okkar niður,“ segir Arna. Landlæknir sagði heilbrigðiskerfið vera á rangri leið í pistli sem hann skrifaði á vef landlæknisembættisins fyrir ári og undir þau orð tók Páll Matthíasson, forstjóri Landspítalans. Landlæknir sagði sömuleiðis að kerfið væri verulega brotakennt í Víglínunni í febrúar. Arna segir margt mjög jákvætt vera að finna í rannsókninni. Ótímabærum dauðsföllum vegna kransæðasjúkdóma hafi til dæmis fækkað um 80 prósent á undanförnum 25 árum. En passa verði upp á að aðgengi að heilsugæslu verði áfram gott. „Ég held að það hafi kannski dalað hjá okkur að undanförnu. Við þurfum að passa að aðgengi að góðri heilsugæslu sé gott en jafnframt um leið að skerða ekki aðgengi að stofulæknum.“Vantar ýmislegt í skýrsluna Páll Matthíasson sagði í kvöldfréttum Stöðvar 2 í kvöld að hann sé ekki sammála því að Íslendingar hafi talað heilbrigðiskerfið niður. „Þessi grein er góðra gjalda verð, en hún ber ekki saman heilbrigðiskerfi. Hún ber saman fyrst og fremst dánartíðni vegna sjúkdóma sem er hægt að koma í veg fyrir. Það er frábært að við stöndum okkur vel þar og ég tel að gott aðgengi að heilbrigðisþjónustu sé þar á meðal. En að öðru leyti vantar ýmislegt í þetta, þarna er ekki fjallað um geðsjúkdóma og þjónustu við aldraða og svo framvegis. Það sem þessi grein sýnir er að við höfum verið að gera marga frábæra hluti,“ sagði Páll. Hann benti á skýrslu fjárlaganefndar og velferðarráðuneytisins ,sem McKinsey-ráðgjafafyrirtækið vann í fyrra, en þar kemur fram að ýmislegt megi laga þegar kemur að heilbrigðiskerfinu hér á landi. „Það þarf að bæta stefnumörkun, Landspítalinn er fjármagnaður fyrir 50 prósent minna fé en sambærileg sjúkrahús í Svíþjóð. Að auki er talað um að það sé vandamál hvernig fjármögnun er í kerfinu. Landspítalinn er á föstum fjárlögum á meðan greitt er fyrir hvert læknisverk á einkastofum út í bæ og það skekki kerfið og sé ósamræmi í því. McKinsey-skýrslan kallar á að það sé lagað,“ sagði Páll. Hann sagðist ekki sjá ósamræmi í því að rætt sé um hvernig megi bæta kerfið á sama tíma og því sé fagnað sem vel er gert. „Okkar kerfi, þar á meðal Landspítalann er að ná ótrúlegum árangri og langt umfram það sem búast mætti við miðað við fjármögnun.“ Mest lesið Lokuðu þorpi í leit að svörum um hvarf tveggja ára drengs Erlent Stærsti gígurinn orðinn „formfagur“ Innlent Lýsisskip strandaði í Fáskrúðsfirði Innlent Voru sérstaklega varaðir við árás frá ISKP Erlent Ísland að tapa í slagnum um ferðamenn Innlent Átta ára stúlka sú eina sem lifði rútuslys af Erlent Vilja einfalda fólki að komast til sjúkraþjálfara Innlent „Það þarf að stoppa svona menn áður en þeir drepa einhvern“ Innlent „Hvergi í verklagsreglum að við séum að reka fólk í burtu“ Innlent Hætt við framboð og vonast eftir þjóðhollum og guðræknum forseta Innlent Fleiri fréttir Ógnaði dyraverði skemmtistaðar með hníf Lýsisskip strandaði í Fáskrúðsfirði Stærsti gígurinn orðinn „formfagur“ Vilja einfalda fólki að komast til sjúkraþjálfara Vélsleðamaður lenti í snjóflóði Kvöldfréttir Stöðvar 2 Hætt við framboð og vonast eftir þjóðhollum og guðræknum forseta Ísland að tapa í slagnum um ferðamenn „Hvergi í verklagsreglum að við séum að reka fólk í burtu“ Aðstoða göngumann á Móskarðshnjúkum Íbúar Hlíða velta fyrir sér dularfullum hvelli Ísland sé í torfkofanum í meðferð alvarlegra atvika Ný og glæsileg skólaþyrping byggð á Hellu Hamfaragámur Bónus tryggir kældan mat í neyðarástandi Fullkomlega sáttur við ákvörðun sína en útilokar ekkert „Það þarf að stoppa svona menn áður en þeir drepa einhvern“ Hádegisfréttir Bylgjunnar Svipar til gamalla óupplýstra rána Sýknaður af ákæru um að hafa tekið í háls barns Bjartur skírdagur fram undan í höfuðborginni Líkamsárás til rannsóknar eftir nóttina Fjölskylda í norðurljósaleit hrakin á brott af leiðsögumönnum Vilja koma böndum á bókhald trúfélaga Ferðaóðir Íslendingar þyrpast í ferðalög innanlands sem utan Verulega brugðið yfir Hamraborgarmálinu Hátt í hundrað dauðsföll á þremur árum Týndi vinningshafinn gaf sig fram og græddi níu milljónir Felldu úr gildi friðlýsingu en mátu Mumma ekki vanhæfan Kvöldfréttir Stöðvar 2 Býr á Íslandi en dæmd í sex ára fangelsi í Rússlandi Sjá meira
Formaður læknafélags Reykjavíkur segir að niðurstöður nýrrar alþjóðlegrar skýrslu, þar sem íslenska heilbrigðiskerfið er metið það næst besta í heimi, bendi til þess að Íslendingar hafi talað heilbrigðiskerfið niður og gleymt því hvað það sé gott. Mikill árangur hafi náðst í fækkun dauðsfalla vegna kransæðasjúkdóma en betur megi standa að geðheilbrigðismálum. Rannsóknin var birt í vikunni í hinu virta læknatímariti The Lancet en í henni voru heilbrigðiskerfi 195 landa borin saman. Í rannsókninni var heilbrigðisvísitala landanna reiknuð út frá gæðum og aðgengi með tilliti til ótímabærra dauðsfalla þeirra sem eru 75 ára og yngri. Arna Guðmundsdóttir, formaður Læknafélags Reykjavíkur, hefur kynnt sér rannsóknina á undanförnum dögum. „Við búum við afar gott heilbrigðiskerfi á Íslandi og eftir því sem efnahagur okkar batnaði þá náðum við að halda heilbrigðiskerfinu á pari við það besta í heimi,“ segir Arna. Samkvæmt rannsókninni er Andorra með besta heilbrigðiskerfið en fast á hæla þess kemur Ísland með 94 stig af hundrað og Sviss í þriðja sæti. Þar á eftir koma Svíþjóð og Noregur en athygli vekur að Danmörk situr í 24. sæti og Bandaríki í því þrítugasta og fimmta.„Höfum talað kerfið okkar niður“ Erum við kannski búin að vera of dramatísk í þá átt að hér sé allt hræðilegt? „Já, það hefur lengi verið mín skoðun. Við höfum svolítið gleymt því hvað við búum við ofboðsleg gott og fjölbreytt kerfi. Við höfum gott aðgengi til dæmis að sérfræði læknum og það er sennilega stór faktor í þessu að aðgengi að góðri, topp læknaþjónustu, er mjög gott og við höfum talað kerfið okkar niður,“ segir Arna. Landlæknir sagði heilbrigðiskerfið vera á rangri leið í pistli sem hann skrifaði á vef landlæknisembættisins fyrir ári og undir þau orð tók Páll Matthíasson, forstjóri Landspítalans. Landlæknir sagði sömuleiðis að kerfið væri verulega brotakennt í Víglínunni í febrúar. Arna segir margt mjög jákvætt vera að finna í rannsókninni. Ótímabærum dauðsföllum vegna kransæðasjúkdóma hafi til dæmis fækkað um 80 prósent á undanförnum 25 árum. En passa verði upp á að aðgengi að heilsugæslu verði áfram gott. „Ég held að það hafi kannski dalað hjá okkur að undanförnu. Við þurfum að passa að aðgengi að góðri heilsugæslu sé gott en jafnframt um leið að skerða ekki aðgengi að stofulæknum.“Vantar ýmislegt í skýrsluna Páll Matthíasson sagði í kvöldfréttum Stöðvar 2 í kvöld að hann sé ekki sammála því að Íslendingar hafi talað heilbrigðiskerfið niður. „Þessi grein er góðra gjalda verð, en hún ber ekki saman heilbrigðiskerfi. Hún ber saman fyrst og fremst dánartíðni vegna sjúkdóma sem er hægt að koma í veg fyrir. Það er frábært að við stöndum okkur vel þar og ég tel að gott aðgengi að heilbrigðisþjónustu sé þar á meðal. En að öðru leyti vantar ýmislegt í þetta, þarna er ekki fjallað um geðsjúkdóma og þjónustu við aldraða og svo framvegis. Það sem þessi grein sýnir er að við höfum verið að gera marga frábæra hluti,“ sagði Páll. Hann benti á skýrslu fjárlaganefndar og velferðarráðuneytisins ,sem McKinsey-ráðgjafafyrirtækið vann í fyrra, en þar kemur fram að ýmislegt megi laga þegar kemur að heilbrigðiskerfinu hér á landi. „Það þarf að bæta stefnumörkun, Landspítalinn er fjármagnaður fyrir 50 prósent minna fé en sambærileg sjúkrahús í Svíþjóð. Að auki er talað um að það sé vandamál hvernig fjármögnun er í kerfinu. Landspítalinn er á föstum fjárlögum á meðan greitt er fyrir hvert læknisverk á einkastofum út í bæ og það skekki kerfið og sé ósamræmi í því. McKinsey-skýrslan kallar á að það sé lagað,“ sagði Páll. Hann sagðist ekki sjá ósamræmi í því að rætt sé um hvernig megi bæta kerfið á sama tíma og því sé fagnað sem vel er gert. „Okkar kerfi, þar á meðal Landspítalann er að ná ótrúlegum árangri og langt umfram það sem búast mætti við miðað við fjármögnun.“
Mest lesið Lokuðu þorpi í leit að svörum um hvarf tveggja ára drengs Erlent Stærsti gígurinn orðinn „formfagur“ Innlent Lýsisskip strandaði í Fáskrúðsfirði Innlent Voru sérstaklega varaðir við árás frá ISKP Erlent Ísland að tapa í slagnum um ferðamenn Innlent Átta ára stúlka sú eina sem lifði rútuslys af Erlent Vilja einfalda fólki að komast til sjúkraþjálfara Innlent „Það þarf að stoppa svona menn áður en þeir drepa einhvern“ Innlent „Hvergi í verklagsreglum að við séum að reka fólk í burtu“ Innlent Hætt við framboð og vonast eftir þjóðhollum og guðræknum forseta Innlent Fleiri fréttir Ógnaði dyraverði skemmtistaðar með hníf Lýsisskip strandaði í Fáskrúðsfirði Stærsti gígurinn orðinn „formfagur“ Vilja einfalda fólki að komast til sjúkraþjálfara Vélsleðamaður lenti í snjóflóði Kvöldfréttir Stöðvar 2 Hætt við framboð og vonast eftir þjóðhollum og guðræknum forseta Ísland að tapa í slagnum um ferðamenn „Hvergi í verklagsreglum að við séum að reka fólk í burtu“ Aðstoða göngumann á Móskarðshnjúkum Íbúar Hlíða velta fyrir sér dularfullum hvelli Ísland sé í torfkofanum í meðferð alvarlegra atvika Ný og glæsileg skólaþyrping byggð á Hellu Hamfaragámur Bónus tryggir kældan mat í neyðarástandi Fullkomlega sáttur við ákvörðun sína en útilokar ekkert „Það þarf að stoppa svona menn áður en þeir drepa einhvern“ Hádegisfréttir Bylgjunnar Svipar til gamalla óupplýstra rána Sýknaður af ákæru um að hafa tekið í háls barns Bjartur skírdagur fram undan í höfuðborginni Líkamsárás til rannsóknar eftir nóttina Fjölskylda í norðurljósaleit hrakin á brott af leiðsögumönnum Vilja koma böndum á bókhald trúfélaga Ferðaóðir Íslendingar þyrpast í ferðalög innanlands sem utan Verulega brugðið yfir Hamraborgarmálinu Hátt í hundrað dauðsföll á þremur árum Týndi vinningshafinn gaf sig fram og græddi níu milljónir Felldu úr gildi friðlýsingu en mátu Mumma ekki vanhæfan Kvöldfréttir Stöðvar 2 Býr á Íslandi en dæmd í sex ára fangelsi í Rússlandi Sjá meira